Euskalterm eraberritua

Euskalterm Terminologia Banku Publikoaren bertsio eraberritua eta hamalau hiztegi terminologiko berri aurkeztu zituen atzo Eusko Jaurlirtzako Hizkuntza Politikarako Sailburuordetzak. Euskalterm eraberritua "funtzionalagoa" dela eta "egunero eguneratuko" dela adierazi zuten Euskararen Aholku Batzordeko Terminologia Batzordeko kideek. Hiztegi terminologikoak hilero 600.000 bisita izaten dituela ere adierazi zuten. Bertsio berri honetan bilaketa zehatzagoa dela adierazi zuten. Interaktiboa ere bada Euskaltermen bertsio berria. Izan ere, "erabiltzaileak bankuaren kalitatea hobetzen eta edukiak aberasten laguntzeko aukera" izango du.