Euskalerria Irratiaren 25. urteurrenarekin bat egingo du Argiak ekitaldia zuzenean eskainiz

  • Datorren asteazkenean arratsaldeko 20:00etan hasita, Iruñeko Euskalerria Irratiaren 25. urteurren festa zuzenean emango du ARGIAk, Berria, Sustatu eta Zuzeurekin batera. "Irratiaren urteurrena ospatzeko eta irratiarentzako lizentzia aldarrikatzeko akelarre digitala egitea da helburua", azaldu dute irratiko arduradunek.


2012ko azaroaren 05an - 00:00
Azken eguneraketa: 2014-03-25 09:12:03
25. urteurrena ospatuko du Euskalerria Irratiak.

Ekitaldia Atarrabiako Kultur Etxean egingo dute. Bertan modu akustikoan ariko dira Gorka Urbizu, Ruper Ordorika, Balerdi-Balerdi eta Kerobia. Enrique Villarreal El Drogas ere iragarrita zegoen, baina gaixotu egin da antolatzaileek jakinarazi dutenez. "Euskalerria Irratiak 25 urte eman ditu entxuferik gabe, eta halaxe, entxuferik gabe, unplugged, modu akustikoan ariko dira".

Musikaz gain, elkarrizketak, lehiaketak eta esketxak izango dira, eta Eguzki Bideoak-eko kideei esker, dena streaming bidez emango dute.

Sarrerak 5 euroan dira salgai, Euskalerria Irratian, Karrikiri Euskal Dendan (Xabier karrika 4, Iruñea), Karrikaluze Elkartean (Ribed parkea 1, Atarrabia) eta Atarrabiako Kultur Etxean.

Euskarazko blog eta webguneei, ekitaldia zuzenean emateko gonbita luzatu diete Euskalerria Irratiko kideek. Horretarako ondorengo embed kodea itsatsi behar dute hala egin nahi dutenek:

<center><iframe width=”480″ height=”302″ src=”http://www.ustream.tv/embed/12392964?v=3&amp;wmode=direct” scrolling=”no” frameborder=”0″ style=”border: 0px none transparent;”> </iframe></center>


Kanal honetatik interesatuko zaizu: Euskalerria Irratia
35 urteurrena emanaldi berezi batekin ospatuko du gaur Euskalerria Irratiak

1988ko azaroaren 7an egin zuen lehen emisioa Iruñerriko irratiak. Urteurrena aitzaki hartuta, Zentral aretoan “musika eta hitza” uztartuko dituen ekitaldi bat antolatu dute.


Euskalerria Irratiak podcasten aldeko apustua eginen du denboraldi honetan

Irrati urtea astelehenean, hilaren 18arekin, abiatuko dute, albistegiak eta arratsaldeko magazina indartuta. Azaroaren 7an, irratiak 35 urte beteko ditu eta hainbat ekimen gauzatuko  dituzte urteurrena ospatzeko.


Hedabideak publizitate instituzionalik gabe Iruñean
Langa bat gehiago

Kalkulua zehatza da. Iruñeko biztanleen %10,5 da euskalduna. Navarra Sumak gidatutako Iruñeko Udalak publizitate instituzionala lortzeko gutxienez audientzia osoaren %10 izatea exijitu die hedabideei. Euskarazko hedabideek publizitatea lortzeko hiriko biztanle... [+]


Maiaren publizitate banaketaren aurka helegitea aurkeztu du Euskalerria Irratiak

Euskalerria Irratiak helegitea aurkeztu du Nafarroako Auzitegi Administratiboaren aitzinean, Iruñeko Udalaren publizitate instituzionalaren esleipenaren kontra.


Eguneraketa berriak daude