Datorren larunbatean (11) euskaldun berriak omenduko dituzte Altzan (Donostia). Horretarako, Euskaldun Berriari Aitortza Altzan ekimena antolatu dute. Auzoko euskaldun berrien omenez eskultura bat jarriko dute plazan. Anton Mendizabalek egin du Lau Haizetara izeneko eskultura. Burdinazkoa da eta 2,5 metroko garaiera du. Artistaren esanetan, eskulturaren bueltan bagabiltza, obra osatzen duten hiru txapa solteak irudi esanguratsu bihurtuko dira: lauburua. Egileak euskara identifikatu nahi izan du lauburu horrekin. Hortik eskulturaren izenaren zergatia: Lau Haizetara zabaltzen den lauburua, Lau Haizeta deitzen dioten parajearen aurrean.