Euskal monetaren sorreran parte hartzeko boluntarioak bilatzen ari dira
Ipar Euskal Herriko Ambes elkartearen ekimenari esker, Eusko izeneko euskal moneta "ekologiko eta solidarioa" ezarriko da 2013ko urtarrilaren 1etik aurrera. Irailean hasiko da lehen fasea eta boluntarioak bilatzen ari dira egitasmoaren sustatzaileak.
Lapurdin Nafarroa Beherean eta Zuberoan abiatuko da, gero Euskal Herri osora zabaltzeko helburuarekin. Euroaren osagarri izango da moneta hau eta saretutako instituzio nahiz komertzioetan erabili ahal izango da.
Moneta berria kaleratzearen helburuak tokian tokiko ekonomia suspertzea, espekulazioarekin amaitzea, jarduera sozial eta ekologikoak bultzatzea eta euskara berari ere laguntzea dira, sustatzaileek jakinarazi dutenez. Gaur egun, munduan antzeko helburuak dituzten ehunka txanpon existitzen dira.
Informazio gehiago
Pello Zubiariak egindako erreportajea (Ehunka txanpon txiki herriak biziberritzeko) ARGIAn [2294. alea].
Kazetaritza independentea eta profesionala egiten dugu, euskaraz eta euskaldunontzat.