Bizkaia Irratia sarearen bitartez entzuteko aukera izango da aurrerantzean. www.bizkaiairratia.com helbidean zuzeneko emisioa entzun daiteke. Hala, kanpoan bizi direnek ere programazioa entzun eta parte hartzeko aukera izango dute, sarearen bitartez. Nobedade hori ospatzeko Euskal kultura eta teknologia barriak mahai-ingurua egingo dute gaur (29), 14:00etatik 15:00etara, Bilboko Hesperia hotelean. Igone Etxebarria Eusko Jaurlaritzako Euskara zuzendaria, Gotzon Lobera Bizkaiko Foru Aldundiko Euskara zuzendaria, Andres Urrutia euskaltzainburua, Adolfo Arejita Euskaltzaindiko eta Labayruko kidea, Bussines&Media enpresako Jabier Etxebeste eta Karmele Perez Urraza EHUko irakaslea izango dira partaideak.
