Era berean, Euskadiko Futbol Federakundeak gai honen inguruan azaldutako jarrera kritikatu dute. "Iaz gure jokatzeko prestutasuna itzuli genion Federazioari, eta trukean, ez dugu aurrerako bide handirik ikusi", adierazi dute jokalariek.

Futbolariak "kezkaturik, haserre puntu batez, triste" azaldu dira eta euskal selekzioa munduko zelaietan "inor ez dela" salatu dute, leihaketa ofizialetan parte hartu ezinagatik. Egoera honek Federakuntza benetan arduratzen ez duela kritikatu dute eta argi utzi dute ofizialtasuna lortzea "futbol zelaietatik kanpo irabazi beharreko partida" dela.

Bestalde, Jose Mari Amorrortu eta Mikel Etxarri hautatzaileek ostegunean plazaratu zuten San Mameseko partidan parte hartuko duten jokalarien zerrenda; Athletic-en aldetik Gorka Iraizoz, Andoni Iraola, Fernando Amorebieta, Mikel San Jose, Jon Aurtenetxe, Ander Iturraspe, Markel Susaeta, Igor Gabilondo eta Gaizka Toquero daude deituta; Errealetik, Carlos Martinez, Mikel Gonzalez, Iñigo Martinez, Mikel Aranburu, Xabi Prieto, David Zurutuza eta Imanol Agirretxe. Gainontzeko jokalariak Asier Riesgo (Osasuna), Beñat Etxebarria (Betis), Mikel Rico (Granada) eta Pantxi Sireix (Tolouse) izango dira.