Euskal Herriaren independentziaz
herri galdeketa Etxarri Aranatzen

  • Apirilaren 13rako herri galdeketa deitu du Etxarri Aranatzeko plataforma batek bizilagunei Euskal Herriaren independentziaz galdetzeko. Galdera zehatza urtarrilaren 4ko batzar irekian adostuko da.


2013ko abenduaren 30an - 00:00
Azken eguneraketa: 2015-02-26 13:37:33
Etxarri Aranatzeko liburutegian aurkeztu zuten herri galdeketako ekimena larunbatean. (Argazkia: Guaixe.net)

Etxarri 2012 plataformako kideek egitasmoaren berri eman zuten larunbatean egindako agerraldian. Haien asmoa “herritarren iritzia modu naturalean jasotzea” dela jakinarazi dute.

Euskal Herriaren independentziaz itaunduko zaie etxarriarrei 2014ko apirilaren 13an. Galdera zehatza adosteko dago eta horretarako herri batzarra antolatu dute heldu den astean, urtarrilaren 4an goizeko 11etan Kultur Etxean.

Galdeketa baino lehen hainbat batzar eginen direla ohartarazi dute, guztien artean erabakiak hartu eta herritarrei behar duten informazio guztia helarazteko.

Ekimen horren bidez, norbanako guztiek askatasun osoz beren iritzia eman dezaten nahi dute, erabakitzeko eskubidea ariketa praktiko gisa erabiliz. Hori dela eta, deitzaileek ez dutela inolako posizionamenduren aldeko jarrera azalduko ohartarazi zuten.

Adur Goikoetxea egitasmoaren bultzatzaileetako batek prentsaurrekoan esan duenez, "herri honen etorkizuna herritarron esku dago. Gure herria iritzi ezberdinak dituen herritarrez osatua dago eta hortaz, iritzi guzti horien errespetuan oinarritua beharko luke gure herriaren etorkizunak.".

Plataformako kideek, prozesu parte hartzaile batean murgiltzeko herritarren inplikazioa eskatu dute.


Kanal honetatik interesatuko zaizu: Erabakitzeko eskubidea
Gure Esku-k ‘Herri libre bat’ dinamika aurkeztu du

Datozen bi urteetako erronken berri eman du erabakitze eskubidearen aldeko ekimenak larunbatean Bilboko Kafe Antzokian. “Herri libre bat nahi dugu, mugimendua sortu nahi dugu, herria martxan jarri eta elkarlana bultzatu nahi dugu”, adierazi dute.


2024-03-04 | Ahotsa.info
Nafarroako autogobernua eta herritarren borondate demokratikoa errespetatzea eskatu dute Iruñean

"Nafarroa defendatu" manifestua kaleratu eta sinatu duten 120 alkateek egindako deialdiari erantzunez, Iruñeko Sarasate Pasealekuan elkarretaratzea izan da larunbat arratsaldean. Auzitegi Gorenak Trafikoaren eskumena Nafarroari transferitzea baliogabetzea... [+]


Espainiako Vueltan errepideak euskal ikurrez betetzeko deia egin dute astebururako

Gure Esku eta Nafarroa Berriz Altxa elkarteek ekimenak antolatu dituzte lasterketa Euskal Herritik igarotzen denerako. "Euskal Herriaren erabakitzeko eskubidea" aldarrikatu eta "muga artifizialak" auzitan jarri nahi dituzte, besteak beste.


Aterik itxi gabe, Espainian hoztasunez jaso da Urkulluren proposamena

Urkullu lehendakariak konbentzio konstituzionalaren proposamena egin du Espainiako Estatuan autogobernuaren eztabaidan sakontzeko eta estatu plurinazionalaren egiazko aitortza egin dadin.


Eguneraketa berriak daude