Europar Batzordeak sendagai generikoak saltzea oztopatu nahi dio Indiari, salatu dutenez

  • Europar Batasuna eta India Merkataritza Librerako Akordioa (MLA) prestatzen ari dira –hilabete honetan bertan guztiz amaituta egon liteke–, eta hainbat GKEk adierazi dutenez, Europar Batzordea presioa egiten ari da Indiak sendagai merkeak fabrikatu eta esportatzea oztopatzeko.


2013ko apirilaren 11n - 00:00
Azken eguneraketa: 2015-02-26 13:37:33
"Sendagai merkeen kontrako erasoa" salatzeko herenegun Bruselan egindako mobilizazioa. (Bruno de Cock / MGM)

Indiako Auzitegi Gorenak bertako Gobernuaren aldeko epaia eman berritan dator salaketa, Novartis konpainia farmazeutikoaren kontrako aferan.

Mugarik Gabeko Medikuak elkarteak bere webgunearen bitartez esan duenez, MLAren negoziazioak sekretupean egiten ari badira ere, filtratu diren hainbat dokumentuk aditzera ematen dute Europar Batzordea gogor ari dela presionatzen, Indiak ahalik eta botika merke gutxien ekoitzi eta zabaldu ditzan. “Garapen bidean dauden herrialdeetako milioika lagunentzat beharrezkoak dira sendagai horiek”, adierazi dute GKEko ordezkariek. Europa osotik joandako ekintzaileek jarrera horren kontrako mobilizazioak egin zituzten herenegun Bruselan.

EBk eragotzi nahi du Indiak garapen bidean dauden munduko herrialdeen “farmazia” izaten jarraitu dezan, esan zuen Oxfam elkarteko Leïla Bodeuxek. “Munduan GIB birusaren kontra erabiltzen diren sendagaien %80 Indiatik dator”, gehitu zuen Bodeuxek, “eta EBk lortzen badu akordioan txertatu nahi dituen xedapenak txertatzea, milioika lagunentzat ezinbestekoa den medikamendu hornidura etengo du”.

Mugarik Gabeko Medikuak-en arabera, EBk ezarri nahi dituen neurrietako bat litzateke edozein sendagai generikoren esportazioa geldiaraztea, konpainiaren batek patentea errespetatu ez dela argudiatuz gero. Gogoratu behar da Indiak bere Patente Legea moldatu zuela, besteak beste industria farmazeutikoaren abusuak eragozteko. Hala, indiar legeak dio ezin direla patentatu dagoeneko existitzen diren sendagaien aldaerak. Artikulu horretan oinarritu zen bertako Auzitegi Gorena, Novartisi arrazoirik ez emateko. Orain, agidanez, “Europak bere enpresa farmazeutikoen mozkinak oso-osorik mantenduko direla ziurtatu nahi du”, Oxfameko Leïla Bodeuxen esanetan.


Kanal honetatik interesatuko zaizu: Industria farmazeutikoa
Menopausia medikalitzatzeko arriskuaz ohartarazi du The Lancet aldizkariak

Martxoaren 8aren atarian, menopausiari buruzko artikulu-sorta bat argitaratu du The Lancet medikuntzan espezializatutako aldizkariak. Laburpenean gogorarazi duenez, menopausia munduko populazioaren erdiaren bizitzaren etapa saihestezina da, baina esperientziak asko aldatzen dira... [+]


90.000 milioi euro irabazi zituen industria farmazeutikoak, diru publikoz finantzatutako COVID-19 txertoekin

Enpresek diru publikoa jaso zuten ikerketarako, eta iparraldeko herrialdeek aldez aurretik erosi zizkieten txertoak. Bitartean, txertoen prezioak igo egin zituzten multinazionalek. Gaur egun, herrialde txiroenetan, %23k baino ez du dosi osoa, SOMOren ikerketaren arabera.


Desikasi daitekeen minaren ondoeza

“Askotan min handia sentitzen nuen oinetan, baina arraroa zen, ez nuelako lotzen kolpe batekin edo lesio batekin, eta ez nuelako identifikatzen nondik zetorren”. Iraia Etxebesteren hitzak dira; duela sei urte azalpenik gabeko mina sentitzen hasi zen oin azpian, eta... [+]


2023-01-18 | Lide Iraola
BioNTech enpresak Twitterri eskatu zion zentsura zitzala Covid-19aren aurkako txerto unibertsalen aldeko mezuak

Farmazia enpresa alemaniarrak hamar mila milioi euro irabazi ditu Covid-19aren aurkako txertoen patenteei esker. Hainbat ikerketak frogatu dute farmazeutiken lobbyek oztopatu dituztela patenteak askatzeko akordioak. BioNTechek sare sozialetako mezuak zentsuratu nahi izan ditu,... [+]


2022-11-09 | ARGIA
Opioideen kontsumo farmakologiko gehiegizkoa eta desegokia

Minari aurre egiteko, opioideen kontsumo farmakologikoa asko handitu dela eta sarri behar baino gehiago eta behar baino epe luzeagoan erabiltzen direla ohartarazi dute adituek. Menpekotasuna eta albo-ondorioak sor ditzakeen pilula errezetatzea baino, osasun baliabideetan eta... [+]


Eguneraketa berriak daude