Europako Parlamentuak atzera bota du ACTA hitzarmena
Interneten gaineko kontrola zorroztea helburu duen ACTA (Anti-Counterfeiting Trade Agreement) hitzarmena atzera bota du Europako Parlamentuak, aurkako 478 boto, aldeko 39 eta 165 abstentziorekin. Ondorioz Europar Batasuneko herrialdeetan ez da indarrean jarriko, oraingoz behintzat.
ACTA akordioak egile eskubideak bermatzeko AEBetako DMCA legea du ardatz, baina ez du babes sozial eta politikorik izan.
ACTAren aurkariek diote erabiltzaileen oinarrizko eskubideak arriskuan jartzen dituela. Gaineratu dute AEBetako zinema, musika eta software enpresek zein enpresa farmazeutikoek eginiko presioaren ondorio dela.
Hitzarmenaren bultzatzaileek berriro Parlamentura eramaten ahaleginduko direla jakinarazi dute.
Informazio gehiago:
ACTA akordioari buruz gehiago jakiteko, irakurri Gorka Bereziartuak ARGIAn plazaratutako BI klik eta akabo sareko askatasuna erreportajea.
Kazetaritza independentea eta profesionala egiten dugu, euskaraz eta euskaldunontzat.