Donostia 2016 bide onean ikusi du Europako Jarraipen Batzordeak

  • Asteartean bisita garrantzitsua jaso du Donostia 2016 prestatzen ari den lantaldeak: Steve Green eta Ulrich Fuchs Kultur Hiriburutzaren Jarraipen eta Aholkularitza Batzordeko kideak eta Gloria Lorenzo Europako Batzordeko ordezkaria izan dira, eta eragileekin bilduz jaso dute egungo egoeraren berri. Ekimena bide onean ikusten dutela nabarmendu dute, larunbateko aurkezpena adibidetzat jarriz, herritarren eta artisten arteko elkargune bihurtu baitzen.


2014ko uztailaren 02an - 00:00
Azken eguneraketa: 2015-02-26 13:37:33
Juan Karlos Izagirre Donostiako alkatea eta Jarraipen Batzordeko kideak asteartean egindako agerraldian (argazkia: El Diario Vasco).

Urte bukaerarako, programazioa zehaztu beharra

2010ean aurkeztutako jatorrizko proiektua hartuta, azpimarratu dute "irudimentsua" eta "berritzailea" dela, baita hurrengo pausoa seinalatu ere: oinarrizko kontzeptua eta ikuspegia mantenduz, programazioak zehaztua eta puska handienean bideratua beharko du abendurako. Programazio horrek "dimentsio europarra edukitzea" ezinbestekotzat jo du Donostia bisitatu duen ordezkaritzak.

Eta programazioa aurkezteko ekitaldi handi bat eta marketin kanpaina beharrezko direla ohartarazi dute. Lan hori egiteko irailean beste hamasei langile kontratatuko ditu bulegoak.

Proiektuak jaso dituen kritikak, "politikoak"

Ekimenari leporatzen zaizkion kritika nagusiak galderetan azalerazi zizkieten kazetariek batzordeko kideei: Zuzendari nagusirik ez izatea eta alkatearen gestioa.

Lehenengoari pisua kendu zioten, nabarmenduz ez dutela ezagutu kultur hiriburutzarik krisirik jasan ez duenik eta ohikoa izaten dela tarte batez zuzendari nagusirik gabe jardutea. Gainera, zuzendari nagusiaren funtzioa argitu ondoren (ordezkaritza sinbolikoa eta finantzaketa bermatzea), zuzendari artistikoaren (Xabi Paya) funtzioa azpimarratu zuen, berari dagokiolako programazioaren ardura eta finantzaketan berak sinatzen baititu fundazio, babesle eta gainerakoekin kontratu lokal eta nazioartekoak.

Alkatearen kudeaketari eginiko kritikak eremu politikoan kokatu zituzten eta ohartarazi zuten funtsik gabeko etengabeko purrustadek aldian aldiko udala baino, hiriaren ospea kaltetzen dutela.


Kanal honetatik interesatuko zaizu: Donostia 2016
Kulturak hiria eraldatu nahi izan zuen urtea

Urteak igaro genituen “Donostia 2016” entzuten. Europako kultur hiriburua, herritarren energia olatua, elkarbizitzaren kultura... Hitz handien atzean, krisiz eta gatazkez betetako prozesua izan zen. Nork ez du oroitzen Odon Elorza eta Juan Karlos Izagirreren arteko... [+]


2016: kultura aitzakia gisa erabili zen urtea?

Atzera begira, inork gutxik uste du 2016ak bere helburu kulturalak bete zituenik. Kontrara, ordutik hona, hiriaren turistifikazio masiboaren erantzuleetako baten moduan ikusten dute askok egitasmoa. Baina zer zioten garaian hiriburutzaren kontrakoek? Izan al du hiriburutzak... [+]


Streisand efektuak ez gaitu zentsuratik libratuko, Donostia 2016n ikusi genuen

Iazko abenduko egun bat izan zen, larunbat goiza. Ahoz aho zabaldutako informazioari esker izan nuen filmaren proiekzioaren berri eta kulturgune batera joan nintzen, Donostian, gauza handirik jakin gabe: zer ikusiko genuen pantailan, sarrerarik ordaindu behar ote zen, zenbat... [+]


Donostia 2016k eragindako diru sarrerek apenas berdindu dute proiektuaren aurrekontua, datu ofizialen arabera

Donostiako Udalak eta Donostia 2016 kultur hiriburuaren zuzendaritzak kalkulatu dute kultur hiriburuak 47,1 milioi euro utzi dituela hiriko ehundura ekonomikoan. Kultur hiriburuaren aurrekontua 46,8 milioi eurokoa zela.


Donostia 2016: amaitu da festa

Azkar pasa da Donostia Europako Kultur Hiriburu izan den urtea ezta? Nolanahi, errepasatzen hasita etorkizunean ere zeresana eman dezaketen gaiak plazaratu dira proiektuaren inguruan. Donostia 2016ri begiratu diogu, Donostia 2017tik.


Eguneraketa berriak daude