Etxe bat erre da Itsasun, ustez
espekulazioaren kontrako ekintza gisa
Bost egunetan bi etxebizitza erre dira Ipar Euskal Herrian eta bietan “EH ez da salgai” margoketak agertu dira. Eragindako suteak izan direla pentsarazi die horrek ikertzaileei.
Larunbatetik iganderako gauean, Itsasutik nahiko isolatua dagoen Berandotz eremuan etxebizitza batek su hartu du. Etxearen jabeak Biarritzekoak dira.
Paueko polizia-etxeko identifikazio kriminaleko kideak Itsasun izan dira arrastoen bila eta kasua Pariseko terrorismoaren aurkako sekzioaren esku geratu da. Lehen emaitzen arabera lehergailuren bat izan da sutea eragin duena, baina auzia ez dago garbi oraindik.
Roger Gamoy Itsasuko auzapezak sutea salatu du eta “halako erasoek oso itxura txarra” ematen dutela gaineratu du.
Azaroaren 13an gisa horretako ezaugarriak dituen sutea izan zen Aiherran, pintada bera agertu baitzen eraikinaren pareta batean.
Azken hilabeteetan antzeko beste sute batzuk izan dira, maiatzean Ezpeletan eta 2012ko abenduan Heletan. Azken horretan Irulegiko Irratiari "Euskal Herria ez da salgai"-ren izenean eginiko telefono dei baten bidez bere gain hartu zuen erasoa.
Etxebizitza duina izatea gero eta zailagoa da. Berdin du esaldi hori noiz irakurtzen duzun, urteak pasa eta arazoa gero eta larriagoa da.
Nola izan daiteke bizitzeko oinarrizkoa den eskubidea, teorian hainbat legek babestutakoa, EAEn eskubide subjektibo moduan onartu berri... [+]
Iruñerriko Etxebizitza Sindikatu Sozialistak eta Harituk Iruñeko Udalak etxegabeentzat eskaintzen dituen baliabideak kritikatu dituzte: "Ogi apurrak dira", adierazi du Martin Zamarbide Harituko kideak. Behin behineko zenbait "aukera" ematen... [+]
Bizitegi molde kooperatiboak zabalduz doaz Ipar Euskal Herrian. Euskal Hirigune Elkargoko azken biltzar nagusian Nicole Etxamendi, Itsasuko hautetsiak "Bizi lagun" kooperatibak kontutan hartu behar zirela eta alternatiba ona direla azpimarratu zuen.
Lanbideren Etxebizitzarako Prestazio Osagarria eta gizarte-zerbitzuen Larrieldietarako Laguntzak desagerrarazi ditu Etxebizitzaren Lege berria garatu duen Dekretuak.
Babes Ofizialeko Etxebizitzetan bizi dira familiak, eta La Caixak ez dizkie alokairu-kontratuak berritu nahi. Bilboko Etxebizitza Sindikatuak salatu duenez, bizilagunak kaleratuz, "alokairu sozialetatik aberasten da" banketxea. "Etxegabetzeak berehala eta... [+]