Euskal iheslariak estraditatzen lagunduko duela dio Capriles Venezuelako lehendakarigaiak
Chavezen gobernuak Espainiaren estradizio eskaerei entzungor egiten diela eta gobernura iristen bada ez dela “irregulartasun egoeren konplize” izango adierazi du Henrique Caprilesek. Hauteskunde kanpaina betean, Venezuelako oposizioko lehendakarigaiak gutuna publikatu zuen joan den larunbatean El País egunkarian. Beste hainbat konturen artean, luze jorratzen du Venezuelan errefuxiaturik dauden euskal iheslarien gaia.
Caprilesen asmoen harira, El Mundo-k albistea dakar gaur. Egunkari Madrildarraren arabera, COVITE terrorismoaren biktimen elkarteak hautagaiaren konpromisoa lortu du “etakideek duten Gobernuaren ‘babesarekin’ amaitzeko”. Consuelo Ordoñezek, ETAk hildako Gregorio Ordoñez PPko buruzagiaren arrebak, gutuna igorri zion irailean Caprilesen gertuko kolaboratzaile bati, euskal iheslarien “inpunitatearekin” amaitu zezala eskatuz. Caprilesen erantzuna jakin ondoren, COVITEk “babes irmoena” azaldu du oposizioko hautagaiaren alde. Espainian 160.000 venezolatar inguru bizi dira urazandiko herrialdean botatzeko eskubidearekin.
Urte luzez egin du borroka, nortasun juridikoa aitor ziezaiotela exijitzeko. Herrigabe eta heriotza zibil egoeran izan dute hamar urtez Venezuelan.
Etxerat elkarteak jakinarazi duenez, Luis Elisardo Roncero Retortillo gasteiztarra eta Anartz Aranbarri Etxaniz ondarrutarra Euskal Herrira itzuli dira. Biak euskal gatazkak eragindako iheslari ohiak dira.
2002an sortu zen Ataramiñe argitaletxea, eta ordutik euskal errepresaliatu politikoek idatzitakoak argitaratu ditu. 2017ra arte lan kolektiboak argitaratu zituen, eta horietako zenbaitekin antologia osatu du: Urrun da zeru urdina. Ataramiñe 2002-2017. Ez da... [+]
Biarritz, 1972ko urriaren 14an. Javalquinto lorategietan, udaletxearen ondoan, Nguyen Van Dong vietnamdar herritarra suizidatu zen, bere buruari bonzo erara su emanda.
Xanti Zapirain Elizalde “Kaiku” hil dela jakinarazi du Antxeta Irratiak asteazken honetan. Altzan (Gipuzkoa) jaioa 1953an, 20 urte zituela Hendaiara (Lapurdi) ihes egin zuen Frankismoaren jazarpen politikotik ihesi eta errefuxiatu-bizitzaren alderik garratzenak... [+]