Espainiar multinazional bat arduratuko da Europa etorkinez “babesteaz”

  • Espainiako GMV enpresak lortu du Europar Batasunaren Eurosur proiektuaren esleipena. Helburu nagusia, “migrazio irregularra gutxitzea eta segurtasuna handitzea”.


2014ko martxoaren 19an - 00:00
Azken eguneraketa: 2015-02-26 13:37:33
Migrazio politika hobea sustatu beharrean mugen kontrola areagotuko dela salatu dute kolektibo sozialek. Argazkian, Espainiako Estatura iritsi berri diren pertsonak Melillan atxilotuta (irudia: Eldiario.es).

Hala irakur daiteke albistearen berri eman duen Infodefensaren, alegia, espainiar armagintzaren patronalaren webgunean. “Mugak kontrolatzeko proiektua”, diote izenburuan.

GMV lau urtez arituko da Eurosurren lemazain, proiektua pilotu izatetik “eremu operazionalera” bitarteko trantsizioaren gidaritza egiten, hamabi milioi euroren truke.

Schengen eremuan migratze irregularrak murriztea, itsasoan itotzen diren etorkin irregular kopurua jaistea –ez gara asmatzen ari, halaxe dio–, eta kanpo mugetan delituak prebenituz EBren barne segurtasuna handitzea dira Eurosur sarearen xedeak, Infodefensak hizkera korporatiboz dioskunez.

Militarismoaren aurka diharduen Utopía Contagiosa kolektiboaren webgunean beste modu batez deitzen diote gauza berari: “Behin baino gehiagotan salatu dugu EBren migrazio-politika gero eta lerratuago dagoela ikuspuntu militarrerantz”. 

Hots, migrazio irregularrari aurre egiteko, legearen barruko migrazioa sustatu beharrean, mugen kontrola areagotu egiten da eta kito. “Erretorika gutxiagorekin esanda, kontua ez da ‘migrazio irregularra gutxitzea’, erreprimitzea baizik, besterik gabe”.

“2012an, 72.000 pertsonak baino gehiagok zeharkatu zituzten klandestinoki EBren mugak”, dio Infodefensak. Eta jarraian, zifra hori nola murriztu nahi duten esplikatzen dute: “Sistema berriarekin, herrialdeek ia denbora errealean partekatu ahal izango dituzte EBren kanpo mugen segurtasunerako garrantzizkoak diren datuak”.

Satelite bidezko irudiak, eguraldi-aurreikuspenak, ontzien kokapena… Horra, GMVk  hamabi milioiren ordainetan emango duen informazio baliotsua. 


Kanal honetatik interesatuko zaizu: Errefuxiatu krisi globala
2024-02-29 | Euskal Irratiak
Otsailean 600 migratzaile lagundu ditu Irungo Harrera Sareak

Migratzaileen kopurua anitz emendatu da Irun eta Hendaia arteko pasabidean. Irungo Harrera Sareak ohartarazi duenez, otsailean 600 pertsona lagundu dituzte, iaz, urte osoan 2.700 izan zirelarik. Iragan urtarrilean, 2.700 etorkin heldu dira Kanariar Uharteetara, egunero 80... [+]


Egunean hemezortzi migratzaile hil ziren bataz beste iaz Espainiako Estatura iristeko ahaleginetan

Caminando Fronteras gobernuz kanpoko erakundeak “Monitoreo Derecho a la Vida” txostenaren edizio berrian egindako balantzea da: 6.618 hildako izan dira mendebaldeko Muga Euroafrikarrean; horien artean, 384 haur.


2023-09-29 | ARGIA
Frantziako Gobernuak Bidasoako muga ixtea ez dela zilegi berretsi du Europako Auzitegiak

Europako Justizia Auzitegiak (EBJA) erabakia hartu du mugako barne-kontrolak berrezartzeko Frantziako Gobernuaren politikari buruz. Bidasoaren mugan ohikoak diren zenbait praktika. hala nola muga igarotzeko debekuak eta berehalako itzulketak, ez direla legearen araberakoak... [+]


Hil gaitzazue

2021eko abuztuaren 15ean, talibanek Kabul mendean hartu zutenean, milaka afganiar ihes egiten saiatu ziren. Soilik hilabete hartan, 35.000 pertsona baino gehiagok zeharkatu zuten Pakistango muga, eta 2022. urtea hasi orduko 145.000 ziren beste aldean. Aldiz, gertakari horien... [+]


2023-08-21 | Hiruka .eus
Pertsona guztien erroldatzea bermatuko duen protokoloa eskatu du Marea Horiak

Ongi Etorri Errefuxiatuak plataformak urteroko Marea Horia izeneko mobilizazioa egin du zapatuan, Plentzia eta Gorlizko hondartzetan. Horietan bildutako lagunek salatu dute mundu osoko milioika pertsonak, euren jatorrizko herrialdeak utzi eta Europara iritsi nahian,... [+]


Eguneraketa berriak daude