Espainiako hezkuntza eta osasun dekretuen kontra egingo du Nafarroako legebiltzarrak
Nafarroako legebiltzarrak Espainiako Gobernuak hezkuntzan eta osasunean onartu dituen dekretu banaren kontra helegitea jarriko du. PPk eta UPNk ez dute babestu osasunean egindako murrizketei buruzko dekretuari helegitea jartzea. Alabaina, hezkuntzaren alorreko helegitea UPNk babestu egin du.
UPNko Carlos Garcia Adanero bozeramaileak esan duenez, parlamentuko legelariek egindako txostenean esaten da eskumenak urratu dituela Espainiako Gobernuak, eta beraz, helegitearen alde egitea erabaki dute. Bitxia da erabakia, izan ere Nafarroako Gobernua Espainiakoak onartutako murrizketak betetzen ari da orain.
Osasun alorreko dekretuaren aurka ez du jo UPNk, bere ustez ez dagoelako frogatua eskumenak urratu direla.
PSNk bi helegiteak babestu ditu. Bilduk adierazi duenez, PSN itxura egiten ari da eta helburua ez da Auzitegi Konstituzionalak zer dioen jakitea baizik eta neurriak ez ezartzea.
Publizitatea
 |
|
||||
2369 zenbakia. Azkena || Hemeroteka
|
Babeslea
Ale berean...
Kazetaritza independentea eta profesionala egiten dugu, euskaraz eta euskaldunontzat.