Espainiako Gobernuak langile publikoen kaleratzeak erraztuko ditu
Espainiako Estatuko Aldizkari Ofizialak (BOE) jaso duenez, administrazio publikoek kaleratze kolektiboa (enplegua erregulatzeko iraungitze espedientea) aplikatu ahal izango dute bihartik aurrera, aurrekontuak % gutxitzen badira urtebetean, edo %7 gutxitzen badira bi urtean.
Lan egindako urte bakoitzeko 20 eguneko indemnizazioa jasoko dute langileek. Gauza bera gertatzen da enpresa pribatuetan PPren lan erreformaren ostean.
Kaleratze kolektiboaren prozesua aurrera eraman ahal izango da 100 langileko erakunde batean gutxienez hamar langileri eragiten badie, eta 300 baino gehiago badira 30 langileri.100 eta 300 arteko langile kopurua baldin badago, %10ari eragin beharko dio.
Arauak, dena den, ez die langile publiko guztiei eragingo. Kontratatutako langileriari eragingo dio, baina ez funtzionarioei. 700.000 langileri eta enpresa eta erakunde publikoetako 150.000 soldatapekoei egin diezaieke kalte.
Kazetaritza independentea eta profesionala egiten dugu, euskaraz eta euskaldunontzat.