Espainiako enpresen kaleratze-aginduak mugatzen ari dira epaileak
Espainiako Gobernuak onartutako lan-erreformaz baliatuz hainbat enpresarik ezarritako erregulazio espedienteak behar bezala justifikaturik ez daudela azaleratu dute haien aurkako sententziek. Halaber, Auzitegi Nazionaleko epaile baten hitzetan, kaleratze kolektiboak ezin daitezke erabili irabaziak lortzeko. Kasu horiei buruz mintzo dira Esther Tejedor eta Manuel V. Gómez kazetariak El País egunkarian plazaratutako artikuluan.
Enpresa horietako bat Tradisa garraio konpainia da. Lege berria eskuan, 23 langile kaleratu zituen, baina Auzitegi Nazionalak kaleratzeak bertan behera utzi zituen. Kataluniako DOPEC eta Madrilgo Talleres A enpresetako kasuak ere aipatu dituzte kazetariok. Arrazoi ekonomikoak argudiatuz, dozenaka kontratu baliogabetu zituzten jabeek, baina epaileek langileei eman zieten arrazoi, besteren artean, bi fabrikak talde enpresarial bateko partaide direnez, konpainia bakar baten egoera ekonomikoa aintzat hartzea ez delako nahikoa justifikazio erregulazio espediente bat aplikatzeko.
Segur Ibérica, GSS telemarketing enpresa eta M S.A. dira El País-ek jasotzen dituen beste adibide batzuk.
Kazetaritza independentea eta profesionala egiten dugu, euskaraz eta euskaldunontzat.