Espainiak eta Frantziak AEBekin kolaboratu dute espioitzan

  • Espainiako eta Frantziako segurtasun zerbitzuek laguntzen diote AEBetako NSA segurtasun agentziari inguruko herrialdeak espiatzen, The Wall Street Journalen arabera.


2013ko urriaren 30an - 00:00
Azken eguneraketa: 2015-02-26 13:37:33
NSA segurtasun agentziaren egoitza. (Arg: AFP Photo)

Bi herrialdeetako segurtasun erakundeek telefono deiak kontrolatu dituzte gerran dauden zonaldeetan eta euren mugetatik gaindi dauden guneetan ere bai.

NSAko buruen hitzetan, europar agentziek informazioa NSArekin partekatu dute, AEB, soldaduak eta zibilak “babesteko”.

El Mundo egunkariak aurreko astean jakinarazi zuenez, Espainian 60,5 milio dei aztertu ditu NSAk, eta Frantzian 70 milioi. NSAko kide James Claperrek azaldu du datu horiek ez direla “zehatzak”.

Amerikako Estatu Batuetako iturri ofizialek salatu dute “gaizki” ulertu dela deien espioitzari buruzko txostena. Horien arabera, dokumentuak dio NSAk deien informazioa jaso zuela, baina Frantzia eta Espainia arduratu zirela dei horiek kontrolatzeaz.

Informazio honek jo mugan jartzen du Europak espioitza elektronikoan jokatu duen papera. Azalpenek nazioarteko harremanak kolokan jar ditzakete.

Dena den, espiotza kasu hau ez dago zuzenean lotuta Europako agintari politikoei egindako zelatekin. Espainiak eta Frantziak ez dituzte, beraz, inguruko politika buruak espiatu, baizik eta herritarren deiak.

Espainiako Estatuko segurtasun agentziak ez du gaiaren inguruko informaziorik eman: “Espainiako legeak ez digu baimentzen gainontzeko segurtasun agentziekin dauzkagun harremanak azaltzea”, esan du.

AEBak ere ez du espiotza kasuetan Europako herrialdeek betetzen duten paperaren berri eman.

 


Kanal honetatik interesatuko zaizu: Espioitza
Fiskaltzak dio ez dela delitua polizia infiltratuak emakumeekin sexu harremanak izatea

Bost emakumek kereila jarri zuten Kataluniako mugimenduetan hiru urtez infiltratutako poliziaren aurka, haien aurkako sexu abusuak egin zituela egotzita. Fiskaltzak epaileari eskatu dio ez onartzeko kereila, eta adierazi du harremanetan emakumeen "onespena" egon zela.


Sei urtez Madrilgo mugimendu sozialetan infiltratutako beste polizia baten berri eman dute

2015etik 2021era mugimendu antifaxista eta antierrepresiboetan infiltratutako poliziaren kasua publiko egin du El Saltok, Directarekin elkarlanean ikertu ondoren. Hamabost hilabetean hedabideek argitaratutako polizia satorren seigarren kasua da.


2023-07-11 | ARGIA
Auzitegi Nazionalak artxibatu egin du Pegasus espioitza kasua

Espainiako presidente Pedro Sánchezen eta beste lau ministro mugikor bidez espiatzeagatik irekitako kasua itxi egin dute, Pegasus programaren jabe den Israelgo Gobernuaren eta Justiziaren "erabateko" kolaborazio faltagatik.


2023-04-23 | David Bou
Marc, Dani eta Ramón

Artikulu honen izenburuan agertzen diren hiru izen propioak ez datoz bat horrela deitzen ziren pertsonen errealitatearekin. Marc Hernàndez Pons, Dani Hernàndez Pons eta Ramón Martínez Hernàndez ziren Barne Ministerioak Polizia Nazionaleko hiru... [+]


Espainiako Gobernuak onartu du Poliziari baimena eman ziola gizarte mugimenduetan infiltratzeko

Espainiako barne-ministro Fernando Grande-Marlaskak adierazi du infiltrazioekin lotutako informazioa espediente sekretu batean dagoela bilduta. Polizia horiek inteligentzia agente gisa definitu ditu, "ordenaren eta segurtasun publikoaren" intereseko informazioa... [+]


Eguneraketa berriak daude