Eskozia 2016ko martxoaren 24an independente, erreferendumean baiezkoa gailenduz gero

  • Eskoziako ministro orde Nicola Sturgeonek iragarri duenez, 2016ko martxoaren 24an aitortuko da Eskoziaren independentzia, datorren urteko galdeketan baiezkoa ateraz gero.


2013ko azaroaren 25an - 00:00
Azken eguneraketa: 2015-02-26 13:37:33
16 urtetik gorako eskoziarrek parte hartuko dute independentziaren inguruko galdeketan.

2014ko irailaren 18an eginen da Eskoziako independentziaren inguruko galdeketa. 16 urtetik gorako herritarren esku egongo da haien etorkizuna. “Eskozia herrialde independente bat izan beharko litzateke?” galderaren aurrean baiezko ala ezeko erantzunen artean hautatu beharko dute.

Bihar aurkeztuko da Glasgowen 670 orrialdetan independentziaren inguruko xehetasun guztiak bilduko dituen Liburu Zuria. Alex Salmond, Eskoziako lehen ministroaren esanetan “gida horretan adieraziko dira independentziaren aldeko argumentu ekonomiko, sozial eta demokratikoak”.

Nicola Sturgeonek adierazi du Liburu Zuriak independentziaren inguruko galdera guztiak erantzungo dituela. Nolako aitortza jasoko luken Eskoziak, bidean eman beharreko urratsak eta negoziazioak, horretarako prestaketak eta bozketaren ondorengo trantsizio garaian lortu beharreko akordioak. Horretaz gain, dokumentuak “Eskoziaren sendotasun ekonomikoa agerian utziko duela”, gaineratu du.

Liburu horretan biltzen den bezala, 1707an Ingalaterra eta Eskoziaren arteko Batasun Agiria sinatu zen urtemugarekin bat eginez, 2016ko martxoaren 24an aitortuko litzateke independentzia. Urte bereko maiatzean bertan deituko lirateke lehen hauteskundeak, herri independente gisa.


Kanal honetatik interesatuko zaizu: Eskoziaren independentzia
2023-06-12 | Leire Artola Arin
Nicola Sturgeon Eskoziako lehen ministro ohia atxilotuta izan dute zazpi orduz

Kargurik gabe aske utzi du Poliziak, galdekatu ostean. Susmagarri gisa atxilotu dute, SNP Eskoziako Alderdi Nazionalaren finantzaketaren inguruan irekita jarraitzen duen ikerketa baten harira. Bigarren erreferenduma egiteko dohaintzan jasotako diruari lotuta dago kasua.


2022-11-23 | ARGIA
Londresen baimenik gabe, erreferendum legalik ez
Eskoziari erabakitzeko eskubidea ukatu diote Erresuma Batuko Auzitegiek

Bi hilabeteren buruan eman du ebazpena Erresuma Batuko Auzitegi Gorenak: Eskoziako parlamentuak ez du independentziari buruzko galdeketaren inguruko legeak egiteko eskumenik, ezinbestekoa da horretarako Westminsterreko parlamentuaren onespena.


2022-10-11 | Leire Artola Arin
2023an independentzia erreferenduma egiteko asmoa berretsi du Eskoziako lehen ministroak

Britainiako Auzitegi Gorenak orain erabaki behar du legezkoa den ala ez Erresuma Batuko Gobernuaren onespenik gabe 2023ko urriaren 19an erreferenduma egitea. Sturgeonek ziurtatu du baimenik eman ezean hauteskundeak baliatuko dituztela independentzia galdeketa gisa.


Olatu berria Eskoziatik?

Denbora azkar pasatzen da, are gehiago pandemiaren eraginez bi urte hain geldo eta arraro bizi ostean. Nicola Sturgeon Eskoziako lehen ministroak, ekain amaieran, iragarri zuen 2023ko urrian herrialdearen independentziari buruzko kontsulta berria egiteko asmoa duela, eta horrek... [+]


2022-07-06 | ARGIA
Eskoziako bigarren independentzia erreferendumari ezezkoa eman dio Boris Johnsonek

Independentziari buruzko bigarren erreferenduma 2023ko urriaren 19an egitea proposatu zuen Nicola Sturgeon Eskoziako lehen ministroak joan den astean. Ezezkoa erantzun dio Boris Johnson Erresuma Batuko lehen ministroak


Eguneraketa berriak daude