Errumaniako ejertzitoak frackingaren kontrako kanpamentu bati egin dio eraso

  • Chevron transnazionalaren interesak babesteko asmoz, Pungesti herriko frackingaren kontrako kanpamentua bortxaz desegin dute errumariar militarrek.


2013ko abenduaren 26an - 00:00
Azken eguneraketa: 2015-02-26 13:37:33
Frackingaren kontrako ekintzaileak, Pungesti herrian, abenduaren 7ko protestan. (Arg: Foxnews.com)

Urriaren 16an muntatu zuten herritarrek erresistentzia gunea, eta abenduaren 2an sartu ziren soldaduak bertara. Pungestiko herritarrek diotenez, lur publikoak esku pribatuetan utzi zituen gobernuak, eta enpresa era irregularrean egiten ari da zundatze lanak.

“Zuek borrak dituzue; guk, eskuak hutsik”, oihu egiten zuten protestan zeudenek, poliziak desobedientzia esparrura hurbildu ahala. Kaleratzea izan zenetik, isolatuta mantendu dute indar polizialek zonaldea; kazetariak pasatzea ekidin dute, eta bertakoen mugimenduak mugatu dituzte.

Atzerriko enpresei “saldutako” gobernua

“Terrorismo korporatiboa”. Hala izendatu du Pungesti herriko frackingaren aurkako ekintzaile María Olteanuk egoera. Izan ere, Errumaniako Gobernuak herrialdea kanpoko multinazionalen esku jarri duela deritzo. Bitartean, “herritarren kontra gerra" egiten duela salatu du.

Bideoan istiluen kontrako polizia taldea ikus daiteke, protestan zeudenak isilarazi nahian.

Abenduaren 7an elkarretaratzea egin zuen makina bat pertsonak, kanpemenduari babesa adierazteko. Orduan, Chevron konpainiaren hesia bota, eta pribatizatutako eremura sartu ziren.

Hesia bota ondoren, hainbat pertsona atxilo eraman zituen poliziak.


Kanal honetatik interesatuko zaizu: Frackingaren arriskua
Gas naturalaren dilema Herbehereetan: prest gaude Groningen hobia ixteko?

Energia krisiarekin Herbehereetan bidegurutze bat sortu zaie: munduko gas natural hobi handienetako bat itxi, aurreikusita zegoen bezala, edo irekita mantendu Europaren presioei men eginez? Eskueran ditugun energia iturri oparoak aprobetxatzeak nolabaiteko kalteak onartzea... [+]


2021-08-27 | Arabako Alea
Gasteizen gasa esploratzeko helegiteari eutsi dio Eusko Jaurlaritzak

Armentia-2 putzuan gasa esploratzeari uko egingo ziola ofizialki iragarri eta bost hilabetera, Eusko Jaurlaritzak ez du atzera bota Gasteizko Udalaren erabakiaren aurkako helegitea. EH Bilduk eta Eguzkik bertan behera uzteko eskatu diote.


2020-12-23 | Z. Oleaga
Armentia-2 putzuan gasa dagoen ikertzeko baimena ukatu du Gasteizko Udalak

Udal teknikariek ebatzi dute Hiri Antolamendurako Plan Orokorrak (HAPO) ez duela baimentzen gasa dagoen ikertzeko zundaketarik egitea. EAEko Ekonomiaren Garapeneko, Jasangarritasuneko eta Ingurumeneko sailburu Arantxa Tapiak zabalik utzi du helegitea aurkezteko aukera.


2020ko uda hartan COVID-19a zabaldu zen, klima zoratu... eta fracking-ak porrot egin zuen

COVID-19ak eragindako anabasaren zalapartak eta klimaren aldaketak hedabideetan uzten dituen irudi beldurgarri bezain espektakularrek estalita, gutxi hitz egiten da petrolioaren krisiaz, tartean fracking-aren gainbeheraz. Bestela esanda, herritarrak ari daitezkeela eztabaidan... [+]


Eguneraketa berriak daude