Erresistentziatik eraikuntzara, Ikasle Abertzaleak hezkuntza eredu propioaren alde

  • Ikasturte berrirako irakurketa egin dute Ikasle Abertzaleek, eta euskal hezkuntza sistemari eragingo dioten bi erreforma nagusiak izan dituzte aipagai: LOMCE eta Unibertsitate erreforma. Hezkuntzaren "merkantilizazio eta elitizazioan" sakonduko duten bi erreforma horien aurrean, "inoiz baino garrantzitsuagoa da ikasleria antolatzea, ahalduntzea eta borrokarako prest egotea", diote.


2014ko irailaren 08an - 00:00
Azken eguneraketa: 2015-02-26 13:37:33

Inflexio puntu garrantzitsuaren aurrean gaudela iritzi dio kolektiboak, hezkuntza eredu propioaren alde egiteko. "Erresistentzia fase batetik eraikuntzarako norabidean kokatzea beharrezkoa da, orain arte eramandako konfrontazio parametroak guztiz aldatuz. Hau da, erantzun planoan egindako mobilizazio eta diskurtsoez harago, eragiteko eta baldintzatzeko gaitasun handien daukagun eremuan lan egingo dugu: heziguneetan".

Hain juxtu, politikarietatik heziguneetara aldatu nahi dute fokua Ikasle Abertzaleek, ikastetxeetan daudelako "hezkuntza sistema honen inposizioak praktikoki aplikatzen dituzten arduradunak. Ondorioz, hezkuntza sistemari aurre egiteko eta alternatiben eraikuntzari bide emateko eremurik eraginkorrena heziguneak dira". Eta horretarako, desobedientzia eta intsumisioa "ezinbesteko tresna" izango dituzte.

Hezkuntza eredu propioa eraikitzen

Dagoeneko, beste hainbat hezkuntza eragilerekin elkarlanean, Euskal Herriarentzako hezkuntza eredu propioaren alde lanean aritu da kolektiboa. Horren adibide dira LOMCE desobeditzeko eta Euskal Herrian hezkuntza propioa eraikitzeko Gure Gida, eta herrietako Hezkuntza Mahaiez osaturiko Hezkuntza Plataformen Topagunea.

 


Kanal honetatik interesatuko zaizu: Ikasle Abertzaleak
Hezkuntza sistema sozialista aldarrikatu dute ikasleek, martxoaren 20ko ikasle greban

Grebara jo dute bigarren hezkuntzako, lanbide heziketako eta unibertsitateko ikasleek. Ikastetxeen ohiko jarduna gelditu eta kaleak hartu dituzte “negozioen eta inposizioen” hezkuntzaren kontra Bilbon, Donostian, Gasteizen eta Iruñean. Goizeko aurreneko... [+]


Hezkuntza "pribatizaziotik" ateratzeko, borroka

Ikasle Abertzaleak taldeak grebarako deia egin du martxoaren 20rako. Negozioen eta inposizioen hezkuntza borrokatu goiburuarekin manifestazioa ere eginen dute 12:00etan Iruñeko Foruen Plazatik aterata. Unibertsitatera sartu aurretik eta goi mailako ikasketak egiterako... [+]


Greba antolatu du martxoaren 13rako Ikasle Abertzaleak-ek

Eusko Legebiltzarraren aurrean elkartu dira Ikasle Abertzaleak-eko kideak martxoaren 13rako ikasle grebara deitzeko. “Azken hilabeteetan borroka prozesuak martxan jarri ditugu Euskal Herriko ikastetxe eta campusetan eta, orain, pausu bat gehiago emateko unea dela uste... [+]


2023-09-24 | Mikel Eizagirre
"Militantzia politikoaren zilegitasuna defendatu behar da, inolako baldintzarik gabe"

2016ko apirilean atxilotu zituzten Leioako 5ak, errepresioaren aurkako ikasle protesta batean. Zazpi urteren ostean izango da epaiketa, irailaren 27an, eta 39,5 urteko espetxe-zigorrak eta 45.000 euroko kalteordainak eskatuko dizkiete. Epaiketaren atarian, haietako birekin... [+]


2023-09-19 | Gedar
'Leioako 5en' askatasuna exijitu dute Altsasun

Irailaren 27an epaituko dituzte 'Leioako 5ak', 2016an Leioako campusean izan zen ikasle mobilizazio baten harira. 45.000 euroko eta 40 urteko zigorrak eskatzen dituzte haientzat. Aste honetan ere mobilizazioak egingo dituzte, auzipetutako bost lagunen eskualdeetan nahiz... [+]


Eguneraketa berriak daude