Iruñean monarkiaren kontra protestatu dute Espainiako Kongresuak ondorengotza onartzearekin batera

  • Espainiako diputatuen kongresuak Felipe Borboikoaren ondorengotza onartu zuen asteazkenean. Egun berean, erreferendmumaren alde eta monarkiaren aurka, elkarretaratzea egin zuten Iruñean.


2014ko ekainaren 12an - 00:00
Azken eguneraketa: 2015-02-26 13:37:33
Mobilizazio berriak iragarri dituzte Borboi berria tronuan jartzen dutenerako (noticiasdenavarra.com)

Iragan larunbatean monarkiaren bukaera eskatzeko 15.000 laguneko manifestazioa antolatu zuten eragile, sindikatu eta alderdi politikoek bultzatu zuten elkarretaratzea.

Kontzentraziora hurbildutakoak Iruñeko udaletxe aurrean batu ziren Espainiako Errepublikako banderekin, eta “Espainia bihar errepublika izanen da”, “Borboiak marrazoetara” eta “Felipe ibili bizkor, Hirugarrena dator” bezalako aldarriak oihukatu zituzten, Diario de Noticiasen irakur daitekeenez.

Nafarroako Ezkerreko Batzorde Errepublikarreko ordezkari Miriam Muñozek hitza hartu zuen elkarretaratzean eta deitzaile guztien izenean salatu zuen herritarrei ez ematea erabakitzeko aukerarik. Borboi berri bat Espainiako Estatuko buru izendatzeko dagoen presa ere nabarmendu zuen.

Hogei sindikatu, alderdi eta eragile baino gehiagok egin zuten bat deialdiarekin; tartean daude Nafarroako Ezkerreko Batzorde Errepublikarra, EH Bildu, Batzarre, Podemos, Geroa-Bai, EPK, Nafarroako Gazte Sozialistak, Izkierda Antikapitalista, LAB, ELA, STEE-EILAS, Solidari, ESK, CGT, Eraldatu, Gazte Komunistak, Ernai, Ikasle Abertzaleak, Duintasunaren Martxak Nafarroan, Emakume Aurrerakoiak, Emakumeen Mugimendu Demokratikoa eta langabezian eta egoera prekarioan dauden pertsonen kolektiboa.

Milaka lagun 'Monarkiarik ez, herritarrena da erabakia' lelopean

Antolatzaile berdinek deitu zuten joan den larunbatean Iruñean egindako manifestazioa. 15.000 lagun inguru elkartu ziren Iruñeko kaletan monarkiaren aurka eta 1970eko hamarkada amaieratik indarrean den erregimenaren amaiera eskatzeko.

Donostian, Gasteizen eta Bilbon ere izan ziren joan den astean errepublikaren aldeko martxak. Deitzaileek mobilizazio berriak iragarri dituzte ekainaren 18an Felipe Borboikoa tronuan jartzen dutenerako.


Kanal honetatik interesatuko zaizu: Espainiako monarkia ezbaian
Carlos Fonseca kazetaria
“O-23ko estatu kolpean, erregeak jeneral bati baimena eman zion kontzentrazio gobernua osatzeko”

Espainiako armadak antolatu zuen 1981eko otsailaren 23ko estatu kolpea, baina helburua omen zen Alfonso Armada jeneralak gidatuko zuen zibilez osatutako kontzentrazio gobernu bat eratzea, eta Juan Carlos I.ak baimendu egin zuen gobernu hori. Hori dio Carlos Fonseca kazetariak... [+]


Hego Euskal Herriko biztanleen gehiengo zabalak nahiago du errepublika monarkia baino

Elektomaniak egin du galdeketa. Gipuzkoa da estatu guztian lehenengo postuan geratu dena, Bizkaia bigarrena eta Nafarroa eta Araba, berriz, laugarren eta bosgarren.


2022-05-24 | ARGIA
Monarkiaren kontrako adierazpenak despenalizatzeko eskatu dute EH Bilduk eta ERCk

Espainiako monarkia iraintzeagatik se hilabete eta bi urte arteko espetxe zigorra aurreikusten du zigor kodeak. Lege hori bertan behera uzteko eskatu dute EH Bilduk eta ERCk.


Galiza non ten rei

Itzuli da Juan Carlos eta Galizia aukeratu behar izan du erakusteko berak jarraituko duela egiten borboiaren puntan jartzen zaiona. Diotenez, diskrezioa eskatua zion Espainiako Errege Etxeak, ez zaiolako show handirik komeni, monarkia krisi existentzial bat bizitzen ari baita... [+]


Eskandaluak eta balizko maniobrak

Goiko esferetan mugitzen diren gizaseme zoriontsu guztiak antzekoak dira, eta egin behar ez luketen zerbait egiten atzematen dituzten guztiak berriz, bakoitza bere modukoa. Boris Johnson eta Iñaki Urdangarin, BoJo eta Besoluze –horrela deitzen omen dio Juan Karlos... [+]


Eguneraketa berriak daude