"Erreakzio independentista" sortzen ari da Katalunian Generalitateak dioenez
Kataluniako Generalitateko presidenteordeak, Joana Ortegak, Katalunian Rajoyren neurrien aurrean "erreakzio independentista" sortzen ari dela dio Onda Vascari eskainitako elkarrizketa batean. "Erreakzio independentista" honi gehien laguntzen diotenak Montororen, Guindosen eta Rajoyren adierazpenak direla dio.
"Kataluniaren errealitatea ukatzen denean, gailentasunarekin jokatzen denean edo Katalunia bezalako herri baten autonomia gutxiesten denean sortzen da Espainiarenganako arbuio hori" dio Generalitateko presidenteordeak.
Gaineratu du Kataluniak egoera ekonomiko "konplikatu" honetan Estatuari eskatu behar diola laguntza ekonomikoa, "gehien" ordaintzen duen erkidegoetako bat delako eta jaso baino askoz gehiago sartzen duelako Espainian.
Murrizketa ekonomikoen ondorioz Kataluniaren autonomia murriztea Generalitateak ez duela onartuko ziurtatu du Ortegak. "Autonomia Erkidego guztien defizita eta zorra ezin dira batera eta etengabe zentrifugatu" ohartarazten dio Ortegak Rajoyren Gobernuari.
Publizitatea
 |
|
||||
2369 zenbakia. Azkena || Hemeroteka
|
Babeslea
Ale berean...
Kazetaritza independentea eta profesionala egiten dugu, euskaraz eta euskaldunontzat.