Erlijio ikasgaia eskola orduetan emango da Batxilergoan
Erlijio ikasgaia eskola orduetan eman behar dela erabaki du Espainiako Auzitegi Gorenak eta erlijioa aukeratzen ez duten ikasleek beste ikasgai bat izango dute. Honenbestez, bertan behera geratu da Eusko Jaurlaritzak 2009an egindako Batxilergoko erlijio ikasgaiari buruzko araua.
Erlijio ikasgaia hautazkoa izan da orain arte eta eskola-orduetatik kanpo izaten zuten, erlijioa irakasteko hautua egin ez zutenek denbora librea zeukaten bitartean. Arabako, Bizkaiko eta Gipuzkoako elizbarrutiak eta Kristau Eskolak araudi honen kontra zeuden eta auzitara jo zuten. Arauak "legea urratzen" duela eta ikasleak "diskriminatzen" dituela argudiatu zuten. Orain Espainiako Auzitegi Gorenak arrazoia eman die eta datorren ikasturtean erlijioaren ordezko ikasgai ba emango da Jaurlaritzako Hezkuntza Sailak adierazi duenez. Oraindik ez dute jakinarazi zein izango den.
Kazetaritza independentea eta profesionala egiten dugu, euskaraz eta euskaldunontzat.