Elikagaiak eta baliabideak biltzeko deia egin dute Donostiako Piratek "Edozer Dugu Posible" egunean

  • Elikagaiak eta baliabideak bilduko dituzte Donostiako Piratek, uztailaren 9an. Edozer Dugu Posible egunaren baitan aurrera eramango duten ekimen solidarioa izango da. Egun osoko egitaraua antolatu dute eta gauean Manu Chaoren kontzertua lotu dutela kontutan hartuta, jende asko espero dute Zurriolan.


2014ko ekainaren 27an - 00:00
Azken eguneraketa: 2015-02-26 13:37:33
Edozer Dugu Posible eguneko kartela.

Prentsaurrekoa eskaini dute Donostiako Piratek eta Udalak. Herritarrei, beren aukera eta nahien arabera, ondorengo produktuak ekartzeko dei egin diete: arroza, oliba olioa, azukrea, kontserbak, esne hautsa, dilistak eta konpresak. Gaztetxoenek Saharako haurrentzat egindako marrazkiak ere jaso eta elikagaiekin batera bidaliko dituztela adierazi dute.

"Mundu hobe bat eraikitzeko ari gara lanean, eta horretarako, elkartasuna eta arreta merezi duten bi kontu jarri nahi ditugu mahai-gainean", esanez aurkeztu du ekimena Mireia Mochales Piraten bozeramaileak.

"Jatekorik ez duten pirata donostiarrak badira. Ekonomia alorrean dabiltzan eta besteen kontura aberastu nahi duten itsaslapurren eraso gupidagabeak zerikusi zuzena du", adierazi dute. Krisiaren bandera mastilean jarrita dabiltzala salatu eta auzolanean egoera horri eusteko lanean ari diren Elikagaien Bankuaren lana goraipatu nahi izan dute.

Agenda arazoengatik prentsaurrekoan izan ez badira ere, Elikagaien Bankuko Gipuzkoako presidente Javier Saenzek bere poza agertu du, batez ere ikusi dutelako "elkartasunaren gaia belaunaldi gazteek ere bere egin dutela". Horrez gain, adierazi du ez diotela hainbeste garrantzia ematen bilduko den produktu kopuruari, ekimena bere egiteari baizik.

Udalak zorionak eta eskerrak eman dizkie Piraten kolektiboko kideei, erakusteagatik Donostian "gauzak beste modu batera egitea posible dela". Azpiegitura-lanetan lagunduko dutela azaldu du Juan Carlos Izagirre alkateak.

Bestalde, Saharako errefuxiatuek bizi duten egoera salatu dute Piratek: "Euskal Herritik indarra bidali nahi diegu, beren herria berriz abordatzeko baldintzak eskuartzen laguntzeko". Espainiako Estatuaren eta Marokoren jarrera salatu dute, bere lurretatik deserriratu baitzituzten sahararrak.

"Jakin badakigu xamurtasunez beteriko laguntza bada ere, ez dela nahikoa izango. Itsaslapurrak indartsu baitabiltza oraindik. Izan bedi egoeraz kontziente izaten laguntzeko ekintza bat, baita egoera gordina izan arren, indarrak bildu eta aurrera jarraitzeko aukuilua ere", adierazi dute.

Alkateak aipamen berezia egin dio Saharari. Marokoren okupazioa salatu eta bere poza agertu du elkartasun ekimena abian jartzeagatik.


Irakurrienak
Matomo erabiliz
#1
Gorka Bereziartua
#3
AEK koordinakundea
#4
Ruben Sánchez Bakaikoa
Azoka
Kanal honetatik interesatuko zaizu: Donostiako Piratak
2023-07-19 | Ilargi Manzanares
Aste Nagusi Pirataren bulkada eroa, abuztuaren 12tik 20ra

Aurtengo Aste Nagusi Pirata abuztuaren 12tik 20ra egingo da, eta jai herrikoi eta parte-hartzaileak aldarrikatuko ditu. Abordaia 14an egingo dute.


Hainbat kontzertu eta su artififzialak bertan behera utzi behar izan dituzte Donostiako Aste Nagusian

Donostiako Udalak eta Donostiako Piratak mugimenduak sare sozialen bidez jakinarazi zuten asteazken gaueko hainbat kontzertu eta su artifizialak bertan behera geratuko zirela. Haize-bolada indartsuengatik hartu zuten erabakia, herritarren segurtasuna bermatzeko. Zarauzko Udalak... [+]


Donostiako Piratek Abordatze jendetsua egin dute, hiru urteren ondoren

Bi urtez abordatze sinbolikoa egin ondoren, Abordatzea egin dute berriro ere Donostiako Piratek. Mugimenduak 20 urte bete ditu aurten eta hemeretzi joan dira lehen Abordatzetik. 2003ko abuztuaren 11n lehen aldiz itsasoratu eta espazio publikoaren erabilera komunitario eta librea... [+]


2022-07-21 | Irutxuloko Hitza
Zer kontzertu egongo dira Donostiako Piratetan?

Bi urteren ostean kontzertu egitarau indartsua prestatu dute Donostiako Piratek, Flamenka gunean. Erreferentziako gune bihurtu da musikazale eta festazaleentzat, eta, aurten ere, aukera zabala izango da, gustu guztientzako estiloekin, euskaraz eta parekidetasuna bermatzen... [+]


2022-07-14 | ARGIA
Donostiako Piraten kantu berria, 20. urteurrena ospatzeko

2003an abiatu zuten Piraten mugimendua Donostian, Aste Nagusiaren eredua ezbaian jarri eta jai herrikoiak aldarrikatzeko helburuz. Bi hamarkada geroago, berriz nabarmendu dute "jaia eraldaketa sozialerako tresnatzat" dutela, eta aurtengo ospakizunaren leloa ere horri... [+]


Eguneraketa berriak daude