Ehunka herritarrek salatu dute Donostian izandako eraso sexista

  • Ehunka herritar batu ziren igande arratsaldean Donostiako Bulebarrean goizaldean izandako eraso sexista salatzeko. Koordinadora Feministak eta Piratek deitu zuten elkarretaratzea, Denok goza dezagun, eraso sexistei erantzun! lelopean.


2014ko abuztuaren 11n - 00:00
Azken eguneraketa: 2015-02-26 13:37:33
Autodefentsaren beharra azpimarratu dute deitzaileek Bulebarrean egindako kontzentrazioan. (Arg.:izanpirata.info)

Amara Berri auzoan jazo zen sexu erasoa igande goizaldean, emakumea etxeko atarian sartzera zihoanean. Ertzaintzan jarritako salaketaren arabera, emakumeak oihu egin eta askatzea lortu eta erasotzaileak ihes egin zuen.

Kontzentrazioaren deitzaileek festaz gozatzeko eskubidea denena aldarrikatu eta erasoen aurrean gizarteak erantzun egin behar duela adierazi dute. Autodefentsaren beharra azpimarratu dute erasoei aurre egiteko, "inoren zain egon gabe” bakoitzak bere burua defendatu dezan.

Gertatutakoa salatzeko agerraldian izan ziren Juan Karlos Izagirre Donostiako alkatea eta Naiara Sampedro Berdintasun zinegotzia. Erasoak festetan zein hauetatik kanpo onartezinak direla eta “txikia izanik ere” jazarpen sexista oro salatu egin behar dela adierazi du alkateak.


Irakurrienak
Matomo erabiliz
#1
Gorka Bereziartua
#3
AEK koordinakundea
#4
Ruben Sánchez Bakaikoa
Azoka
Kanal honetatik interesatuko zaizu: Indarkeria matxista
Gasteizen gizon bat atxilotu dute bikotekide ohia hainbat orduz lonja batean giltzaperatuta izan ostean

Ertzaintzak jakinarazi duenez, gizonak Gasteizko Alde Zaharreko lonja batean bahituta izan du emakumea zenbait orduz eta hainbat alditan egin dio eraso. Gizonak, urruntzeko agindua zuen, aurrez egindako tratu txarrak tarteko.


2024-03-15 | ARGIA
Gizon bati Iruñerriko institutu batean eta saltoki batzuetan emakumeak grabatzea leporatu diote

2023ko urrian jarritako salaketa baten harira, gizonaren etxeko gailu informatiko eta elektronikoak ikertzen ari da Foruzaingoa, eta material horretan aurkitu dituzte institutu bateko emakumeen komunetan egindako grabazioak, eta hainbat saltokitako aldageletakoak. Adimen... [+]


Gasteizen atxilotutako gizona espetxera bidali dute, bikotekidea labankadaz hiltzen saiatzeagatik

Astearte honetan, herritarrek eta erakundeek erasoa gaitzetsi dute udaletxe aurrean egindako elkarretaratzean.


Gasteizen bi gizon atxilotu dituzte bikotekideei eraso egiteagatik

Astelehen goizaldean bikotekideari izterrean labankada bat emateagatik, hilketa saiakera leporatu diote 31 urteko gizon bati. Beste gizon bat ere atxilotu dute igande goizaldean.


Asun Casasola, ez zaude bakarrik

Indarkeria matxistarik gabeko jendarte bat irudikatzea helmuga duen Asun Casasola Ipuin Lehiaketak sariak banatu ditu. “Plaza bat zure izenean” aurtengo gaia oinarri hartuta, memoria ariketa egin dute sarituek, gizonek hildako emakumeak, historia egin dutenak eta... [+]


Eguneraketa berriak daude