Euskararen Erakunde Publikoak (EEP), Paue eta Aturri aldeko Herrien Unibertsitateak eta Bordeleko Unibertsitateak euskara gaitasuna egiaztatzeko agiri ofiziala sortzeko hitzarmena sinatu dute. Orain arte Euskaltzaindiak egiten zituen EGA azterketak Ipar Euskal Herrian, eta EEPk egingo ditu hemendik aurrera, unibertsitateekin elkarlanean. EGAren baliokidea izango den agiria C1 mailakoa izango da Europako sailkapenean.
