EA

EAko idazkari nagusi hautatu dute berriz Urizar

  • Pello Urizar hautatu dute berriz EAko idazkari nagusi Barañainen egin duten Kongresu Nazionalean. 268 aldeko boto, 13 abstentzio eta kontrako bakarra izan ditu aurkeztu den hautagai bakarrak.


2013ko maiatzaren 20an - 00:00
Azken eguneraketa: 2015-02-26 13:37:33
Pello Urizar EAko idazkari nagusi berretsi dute (Argazkia: EA Argentina)

Ezker Abertzalearekin, Aralarrekin eta Alternatibarekin batera osatzen duten EH Bildu koalizioaren aldeko apustua berretsi du Urizarrek. Kongresuko itxiera egunean bertan izan ziren koaliziokide dituen Txelui Moreno, Pernando Barrena, Asun Fernandez de Garaialde eta Laura Mintegi, besteak beste.

Bizikidetza eta Giza Eskubideen idazkaritza orokorra eratu dute lehen aldiz EAn. Alberto Unamunzagak zuzenduko du atala.

Urizarrek azpimarratu du “bide subiranistan teoriatik praktikara pasatzeko garaia” dela, eta independentziarantz aldebakarreko urratsak emateko garaia dela. EAko idazkari nagusiaren ustez, gizartearekin eta bi estatuekin adostutako bidea jorratzea litzateke aproposena.

Frantziako eta Espainiako Estatuek erakusten duten kontrako jarrera aipatu du Urizarrek. Hala ere, uste du gehiengo sozialaren presioak autodeterminazioaren bidea onartzera eramango dituela.

Garak egindako elkarrizketan berretsi berria den idazkari nagusiak  2009tik honako ibilbidea gogoratu du. EAk EH Bilduren barnean duen papera goratu du, eta ez du uste Ezker Abertzaleak irentsi dituenik. Bere ustez koalizio plurala da, eta “geroz eta jende gehiagorengana ari da iristen”.


Kanal honetatik interesatuko zaizu: EA
Analisia
EAren zatiketa, beste urrats bat

Zatituta zegoen EA azken urte hauetako uneren batetik aurrera, beharbada 2017an egindako bi kongresuetatik, edo 2019an huts egindako primaria prozesutik, edo honen harira sortutako borroka judizial gupidagabea hasi zenetik, akaso bost buruzagiren azken kanporaketatik... Berdin... [+]


EAk lau urtez eten du alderdiko bost kargudunen militantzia

EAko Nazio Batzorde Eragileak erabaki du lau urtez Maiorga Ramirez, Iratxe López de Aberasturi, Mikel Goenaga, Miren Aranoa eta Esther Korresen afiliazioa bertan behera uztea, “eskubide, betebehar eta diziplina Araudiaren urratze larriak egin dituztelako”.


Eva Blanco, Eusko Alkartasunako idazkari nagusia
"Kongresuan galtzen badute, berriro esango dute iruzurra egin dela"

Eva Blanco (Amurrio, 1973) 2019an izendatu zuten EAko idazkari nagusi, Pello Urizarrek dimititu ondoren. Barne giro liskartsuan eraman behar izan du aurrera bere agintaldia. Baina arazoak atzeragotik datoz, gutxienez 2017ko kongresutik. Familia barruko gatazkak dira mingarrienak... [+]


Garaikoetxeak arbuiatu egin du EA EH Bildun integratzea

Joseba Elosegi gudaria zenaren omenez Donostiako EAk antolatutako ekitaldian, Carlos Garaikoetxea lehendakariak EH Bilduk koalizio gisa jarraitzearen alde egin du, alderdiko sektore kritikoarekin bat eginez.


Eguneraketa berriak daude