EAEko kultur industriaren irabazien parterik handiena enpresa handiek lortzen dute
Duela hiru urte, Araba, Gipuzkoa eta Bizkaiko kultura arteek eta industriek 463 milioi euroko diru sarrerak izan eta 3.000 lanpostu sortu zituzten, Kulturaren Euskal Behatokiak egindako ikerketaren arabera. Aztertutako 596 eragileetako %20ek diru-sarreren %60 bildu zuten. Enpresa handiak dira haietako gehienak, bereziki erreprodukzio eta banaketa esparruan lan egiten dutenak. Enpresa txikienek aldiz, zuzeneko emanaldiak dituzte ardatz.
Gutxi gorabehera hamar kultur eragiletik sei esku pribatuetan daude. Diru sarrerei dagokienez, %7,7 soilik heltzen da laguntza publikoen bitartez. Lortutako diru-sarreren eta izandako gastuen arteko kenketak 14,3 milioi euroko emaitza positiboa eman zuen 2009an.
2009ko azterketaren arabera, diru-sarrerak handitu egin ziren 2007ko datuekin alderatuta, batez ere enpresa handienek irabaziei eutsi egin zietelako.
Kazetaritza independentea eta profesionala egiten dugu, euskaraz eta euskaldunontzat.