Donostia abordatzeko prest

  • Piraten egun handia iritsi da. Arratsaldeko 17etan Donostiako Aste Nagusiaren hitzordu garrantzitsuenetarikoari hasiera emango zaio: Abordaia. Urtero bezala, milaka lagunek Kontxako badia hartuko dute. Parte-hartzaileak prakak bete lan daude jada portuan, baltsak muntatzen eta segurtasun neurri guztiak martxan jartzen.


2014ko abuztuaren 11n - 00:00
Azken eguneraketa: 2015-02-26 13:37:33
Abordaiaren parte-hartzaileak goizeko zortzietan hasi dira baltsak muntatzen (Argazkia: Eskifaia Kofradia)

Pneumatikoak, koltxonetak, plastikozko poltsak, flotagailuak, egurrezko taulak... Era guztietako materialak erabiltzen dituzte Abordaiako parte-hartzaileek beren baltsak egiteko. Helburua, portutik Kontxako hondartzaraino urperatu gabe iristea.

Goiztiarrenek goizeko 8etan dute hitzordua portuan baltsak muntatzen hasteko. Ondoren, beste hiru txanda antolatu dituzte Piratek: 9:30etan, 11etan eta 12:30etan. 13:30etan bazkari herrikoia egingo da Zuloaga plazan, Abordaiarako indarrak hartzeko.

17etan Abordaiari hasiera emango zaio. Ondoren, 18:45etan, kalejira antolatu dute Kontxako erlojuetatik La Flamenkara Bad Sound Systemekin. 21etan, afari girotua egingo da Triniko Kantina Piratan, eta 23etan Berri Txarrak taldearen kontzertua hasiko da La Flamenkan. Ordu erdi geroago Dubmatix artista kanadiarrak reggae doinuak ekarriko ditu Nautikoko DJ gunera.

Hurrengo bideoan iazko Abordaiaren irudiak bildu dituzte


Kanal honetatik interesatuko zaizu: Donostiako Piratak
2023-07-19 | Ilargi Manzanares
Aste Nagusi Pirataren bulkada eroa, abuztuaren 12tik 20ra

Aurtengo Aste Nagusi Pirata abuztuaren 12tik 20ra egingo da, eta jai herrikoi eta parte-hartzaileak aldarrikatuko ditu. Abordaia 14an egingo dute.


Hainbat kontzertu eta su artififzialak bertan behera utzi behar izan dituzte Donostiako Aste Nagusian

Donostiako Udalak eta Donostiako Piratak mugimenduak sare sozialen bidez jakinarazi zuten asteazken gaueko hainbat kontzertu eta su artifizialak bertan behera geratuko zirela. Haize-bolada indartsuengatik hartu zuten erabakia, herritarren segurtasuna bermatzeko. Zarauzko Udalak... [+]


Donostiako Piratek Abordatze jendetsua egin dute, hiru urteren ondoren

Bi urtez abordatze sinbolikoa egin ondoren, Abordatzea egin dute berriro ere Donostiako Piratek. Mugimenduak 20 urte bete ditu aurten eta hemeretzi joan dira lehen Abordatzetik. 2003ko abuztuaren 11n lehen aldiz itsasoratu eta espazio publikoaren erabilera komunitario eta librea... [+]


2022-07-21 | Irutxuloko Hitza
Zer kontzertu egongo dira Donostiako Piratetan?

Bi urteren ostean kontzertu egitarau indartsua prestatu dute Donostiako Piratek, Flamenka gunean. Erreferentziako gune bihurtu da musikazale eta festazaleentzat, eta, aurten ere, aukera zabala izango da, gustu guztientzako estiloekin, euskaraz eta parekidetasuna bermatzen... [+]


2022-07-14 | ARGIA
Donostiako Piraten kantu berria, 20. urteurrena ospatzeko

2003an abiatu zuten Piraten mugimendua Donostian, Aste Nagusiaren eredua ezbaian jarri eta jai herrikoiak aldarrikatzeko helburuz. Bi hamarkada geroago, berriz nabarmendu dute "jaia eraldaketa sozialerako tresnatzat" dutela, eta aurtengo ospakizunaren leloa ere horri... [+]


Eguneraketa berriak daude