Donostia 2016ren inguruan batasun argazkia atera dute udal ordezkariek

  • Donostiako Udalean ordezkaritza duten talde politiko guztiek argazki bateratua atera dute asteartean, Donostia 2016 egitasmoari babesa eskaini asmoz.


2014ko apirilaren 29an - 00:00
Azken eguneraketa: 2015-02-26 13:37:33
Donsotiako udal ordezkariek adierazpen bateratua irakurri dute (argazkia: Donostia Gaur).

Hiru puntuko adierazpena irakurri dute udal ordezkariek, Donostia 2016rekin konpromiso “ahobateko eta sutsua” dutela adieraziz eta proiektua aurrera ateratzearen alde egingo dutela baieztatuz, “edozein sigla edo ikuspegi alderdikoiren gainetik”.

Proiektua garatzeko iparrak “adostasuna, kultur bikaintasuna eta herritarren partaidetza” izango direla adierazi dute eta Donostia 2016ko Fundazioa osatzen duten gainontzeko erakundeei lanean jarraitzeko eskatu diete.

Giroa baretzen

Badirudi Europako Kultur Hiriburuaren inguruko giroa baretzen ari dela azken asteetan alderdi politikoen artean. Horren erakusgarri izan liteke Juan Karlos Izagirre Donostiako alkateak pasa den asteburuan Diario Vascon argitaratu zuen gutuna: Odon Elorza alkate ohiari eskua luzatu zion proiektuan parte har zezan.

Izagirrek gutunean zioenez, Europako Kultur Hiriburu izendapena lortu izanaren hirugarren urteurrena –ekainaren 28an izango da– “aukera ona” da proiektuan protagonismoa izan zuten pertsonak “lehen lerrora” itzultzeko.

“2016a ezagutarazteko ordua” dela ere adierazi zuen Donostiako alkateak, “ezinikusi zaharrak, errezelo politikoak, konfiantza falta funtsgabeak eta gainditu gabeko herrak alde batera utzita”.

Elorzak bere webgunean erantzun zuen astelehenean, proiektuan laguntzeko prest dagoela adieraziz eta Donostiako Udalari erantzuki batzuk eginez.


Kanal honetatik interesatuko zaizu: Donostia 2016
Kulturak hiria eraldatu nahi izan zuen urtea

Urteak igaro genituen “Donostia 2016” entzuten. Europako kultur hiriburua, herritarren energia olatua, elkarbizitzaren kultura... Hitz handien atzean, krisiz eta gatazkez betetako prozesua izan zen. Nork ez du oroitzen Odon Elorza eta Juan Karlos Izagirreren arteko... [+]


2016: kultura aitzakia gisa erabili zen urtea?

Atzera begira, inork gutxik uste du 2016ak bere helburu kulturalak bete zituenik. Kontrara, ordutik hona, hiriaren turistifikazio masiboaren erantzuleetako baten moduan ikusten dute askok egitasmoa. Baina zer zioten garaian hiriburutzaren kontrakoek? Izan al du hiriburutzak... [+]


Streisand efektuak ez gaitu zentsuratik libratuko, Donostia 2016n ikusi genuen

Iazko abenduko egun bat izan zen, larunbat goiza. Ahoz aho zabaldutako informazioari esker izan nuen filmaren proiekzioaren berri eta kulturgune batera joan nintzen, Donostian, gauza handirik jakin gabe: zer ikusiko genuen pantailan, sarrerarik ordaindu behar ote zen, zenbat... [+]


Donostia 2016k eragindako diru sarrerek apenas berdindu dute proiektuaren aurrekontua, datu ofizialen arabera

Donostiako Udalak eta Donostia 2016 kultur hiriburuaren zuzendaritzak kalkulatu dute kultur hiriburuak 47,1 milioi euro utzi dituela hiriko ehundura ekonomikoan. Kultur hiriburuaren aurrekontua 46,8 milioi eurokoa zela.


Donostia 2016: amaitu da festa

Azkar pasa da Donostia Europako Kultur Hiriburu izan den urtea ezta? Nolanahi, errepasatzen hasita etorkizunean ere zeresana eman dezaketen gaiak plazaratu dira proiektuaren inguruan. Donostia 2016ri begiratu diogu, Donostia 2017tik.


Eguneraketa berriak daude