Aiko taldeak Dantzaldi Ibiltaria ekimena jarri du abian, nahi duenari dantza tradizionalen oinarrizko pausoak irakasteko xedearekin. Bizkaiko hamalau udalerritan egingo dituzte ikastaro eta erromeriak, lehenengoak Zaratamon (urtarrilaren 22an) eta azkenak Bilbon (apirilaren 30ean). Ikastaroak doakoak izango dira, baina beharrezkoa da izena aurrez ematea, 646 336 147 telefonora deituta edo www.aikotaldea.com webguneko inskripzio orria beteta.