Capsula taldea buru duela ospatuko da Aztarna fest jaialdia Ziburun
Aztarna izeneko musika elkartea sortu dute Lapurdin eta larunbatean, hilaren 13an, izen bereko festibala antolatu dute Ziburuko Errugbi Zelaian. Sarrerak 10 euroan izango dira salgai eta jaialdia 19:00etan hasiko da. Capsula taldea izango da kartelburua.
Capsula taldeak orain arte argitaratutako hiru diskoak, -Sublime (1999), Yudoka (2000) eta Capsula (2002)- berrargitaratu ditu Gaztelupeko Hotsak diskoetxearen eskutik. Talde hori, 1997an Buenos Airesen sortu zen eta bertan nahi adina kontzertu eman ez izanak Euskal Herrian finkatzera ekarri zituen taldeko kideak. Gaur egun Europan jotzen dute gehienbat. ARGIAk 2189. zenbakian eginiko erreportajean aurki ditzakezu xehetasun gehiago.
Beraiekin izango dituzte, Fairmont ,Smoke Deluxe, Panda Valium & Polygorn, Letterbox eta Marting Stark taldeak.
Kazetaritza independentea eta profesionala egiten dugu, euskaraz eta euskaldunontzat.