CANeko idazkari ohi Alberto Pascualek eta haren alboko Amaia Randezek epailearen aurrean deklaratu zutenean "ez zuten egia esan", Kontuz plataformak salatu duenez. Maria Paz Benito epaileari eskatu diote bi kargudun ohiek lekukotasun faltsuen delitua egin ote duten aztertzeko.
Nafarroako Kutxako dieten auzia "irekita eta bizirik" dagoela nabarmendu zuen atzo Kontuzek, Iruñean emandako prentsaurrekoan. Plataformako kideek irregulartasun gehiagoren berri eman zuten.
Kontuzek ustezko delitu informatikoen zantzuak aurkeztu ditu, ustez CANeko batzorde iraunkorreko hamabi akta manipulatu egin direlako.
Guardia Zibilaren txostenean oinarrituta da Kontuz. Poliziek egindako analisien arabera, aipatu aktak bilera egin eta urtebete baino gehiagora idatzi ziren. Gainera, behin idatzita zeudenean aldatu egin zituen norbaitek. Erantzuleak nortzuk diren ez daki Guardia Zibilak. Bai, ordea, CANeko ordenagailuetatik idatzi eta aldatu zirela.
Plataformak salatu duenez, lekukoen adierazpenak ez datoz bat Guardia Zibilen teknikariek esandakoekin. Bestalde, gaineratu du Yolanda Barcinak, Miguel Sanzek eta Alvaro Mirandak batzorde iraunkorreko bilera bat (2011ko urtarrilaren 10ekoa) egin baino lehenago (2010ean) kobratu zituztela dietak. Guardia Zibilaren txostenaren arabera, bilera horretako akta 2012ko abenduaren 20an idatzi zen.
Ohiko bidea, zabalik
Kontuzek jakinarazi duenez, Maria Paz Benitok haien eskaerak aintzat hartzen ez baditu, ohiko bideetatik kereilatuko da bi idazkari ohien aurka.
Ustezko testigantza faltsuei dagokienez, hiru urte arteko espetxe zigorra jaso dezakete Pascualek eta Randezek, baldin eta epaileak delitua egin dutela ebazten badu.
Ebatzi gabe geratzen zen azken zirrikitu judiziala da artxibatu duena. Ikerketak iraun dituen sei urteren ondoren, epaileak, kasua istea erabaki du irregulartasunik ez dagoelakoan, Diario de Navarra-n jaso dutenaren arabera.
Nafarroako Kutxaren desagertzean "orain arte jakin gabeko datuak" eskuratu direlako eta adierazgarriak izan daitezkeelako helarazi dituzte ondorioak epaitegietara.
Diario de Noticias egunkariak aurreratu ditu Nafarroako Kutxa ikertzen duen batzordeko ondorioak. Alderdiek diote CANek aurrera segitu ahal izanen zukeela bere bidea bakardadean eta ondarearen hondatzea txikiagoa litzatekeela.
Miguel Sanz Nafarroako presidente ohiak Nafarroako Parlamentuan CAN auzia ikertzen ari den batzordean hitz egin du asteazken honetan. Nafarroako Kutxan ustelkeria kasurik izan zenik ukatu du.
Patxi Zamora Kontuz elkarteko eleduna lanetik bota zuten Guardia Zibilak hegazkinean sartzeko baimena kendu eta gero. Lau auzi ditu abian eta 20.000 euro beharko dituztela kalkulatu du elkarteak.