Cameronek EBn jarraitzeari buruzko erreferenduma iragarri du


2013ko urtarrilaren 23an - 00:00
Azken eguneraketa: 2015-02-26 13:37:33
EBn jarraitu edo ez: erreferenduma iragarri du Cameronek.

Cameronek iragarri du 2015etik 2017ra bitartean egingo litzatekeela erreferenduma. Bere esanetan, “akatsa” litzateke segituan halako deialdirik egitea, Europar Batasunaren barruan dauzkaten arazoak konpontzeko “denboraren bat” eman gabe.

Britainiarren euroeszeptizismoak historia luzea dauka eta kontinenteko gainontzeko estatuetan baino errotuagoa dago, baina azkenaldiko mugimenduek eszeptizismotik harago, ezinikusia erakusten dute.

Joan den urriaren amaieran, adibidez, lehen ministroaren alderdi kontserbadoreko kide eskuindarrenek, laboristen babesarekin, aurrera atera zuten Komunen Ganberan Europar Batasunera bideratutako diruak murrizteko eskatzeko mozioa.

Loteslea izan ez arren, sekulako kolpea izan zen Cameronentzat, alderdi barruan etsai franko daukala agerian uzteaz gain, irlaren eta kontinentearen arteko kanala amildegi bihurtu baitzuen.

Erreferenduma deituta, Cameronek egoera birbideratu nahi du: batetik, galdeketa datorren legegintzaldian kokatu duenez, hauteskundeetarako bandera bat edukiko du. Bestetik, alderdiko kideen labankadak saihesteko aukera emango dio.


Kanal honetatik interesatuko zaizu: Europar Batasuna
Europak armak erosiko ditu, zuri pentsioa kenduta

Badator gerra handi bat. Gastu militar ziztrin horiekin ez goaz inora. Trumpek bakarrik utziko gaitu oraingoan. Herritarrek prest egon behar dute Putinen aurrean... Europar Batasuneko agintarien artean nagusitzen ari den diskurtso hori, hitz bakarrean laburbiltzen da:... [+]


Europako Banku Zentralak "erreforma estrukturalak" iragarri ditu, defentsarako gastuei aurre egiteko

Europako Banku Zentraleko lehendakari orde Luis de Guindosek Europak dituen "mehatxuez" hitz egin du Bartzelonan: "Berriz ere erreforma estrukturalen inguruan hitz egin behar dugu".


Europako Parlamentuak Adimen Artifizialaren Legea onartu du

Parlamentuak asteazkenean onartu du adimen artifizialari buruzko legea, haien esanetan segurtasuna eta oinarrizko eskubideen errespetua bermatzen dituena, eta, aldi berean, berrikuntza bultzatzen duena.


Riderren lan eskubideak bermatzen dituen direktibaren alde egin du Europar Batasunak

Frantziako Estatua eta Alemania izan dira aurka kokatu diren estatu bakarrak. Direktibaren lanketa 2021eko abenduan abiatu zuen Europak, baina trabak eta presioak tarteko, hiru urte baino gehiago behar izan ditu onespenak. Europako Parlamentuak bozketa berrestea falta da.


Eguneraketa berriak daude