Duela hilabete hil zen Iñigo Cabacasen senideek deituta, manifestazio isila egingo da gaur Bilbon, Athletic Bucaresten Europa League txapelketako finala jokatzen hasi aurretik.
18:30ean aterako da manifestazioa plaza eliptikotik, eta Udaletxean amaituko da. Atzo, bestalde, Amaiur osatzen duten alderdiek Rodolfo Ares Eusko Jaurlaritzako barne sailburuaren dimisioa eskatu zuten berriz.
Iñigo Cabacas "Ertzaintzaren pilotakada baten ondorioz" hil zela hilabete pasa denean, Aresek "gertatutakoa argitu gabe eta gertatutakoaren erantzukizun politikoa bere gain hartu duela erakusten duen neurririk aplikatu gabe" jarraitzen duela salatu dute EAk, Aralarrek, Alternatibak eta ezker abertzaleak.
Xuban Nafarrete
Alderdiotako ordezkariek martxoaren 29ko greba orokorrean Gasteizen zauritutako Xuban Nafarreteren kasua ere hizpide izan zuten atzo eskainitako prentsaurrekoan. "Gasteizko kargei buruzko azalpenak eman zituenean, gainditutzat eman zuen polizia ereduaren apologia egin zuen Aresek". Hain justu, Xuban Nafarreteren aitak agerraldia egingo du gaur arratsaldean Eusko Legebiltzarrean.
Omenaldia egin diote Iñigo Cabacasi, bere heriotzaren hamargarren urteurrenean. Iñigo Cabacas Lizeranzu plaza izendatu dute Ertzaintzaren pilotakada batek hil zuen kantoia. Antolatzaileek eta gurasoek herritarren babesa eskertu dute, eta erakundeen... [+]
Apirilaren 5ean hamar urte bete dira Ertzaintzak jaurtitako gomazko pilota batek Iñigo Cabacas larriki zauritu zuenetik. Apirilaren 9an, ostera, Cabacasen heriotzaren hamargarren urteurrena beteko da, pilotakadaren ondorioz hil egin baitzen gaztea. Data seinalatu... [+]
Abenduaren 15ean Ertzaintzak artxibatu egin zuen Cabacasen hilketari buruzko barne ikerketa, eta gurasoek gutun batean adierazi dute “harridura eta atsekabea” eragin ziela erabakiak. Josu Erkoreka Jaurlaritzako Segurtasun sailburuari leporatu diote euren samina... [+]
Eusko Jaurlaritzako Segurtasun sailburu Josu Erkorekak azaldu duenez, sei auzipetuei ezin zaie ardura diziplinariorik eskatu, haietako bost (Juan José de Pablo 'Ugarteko' ertzainburua tartean) jada ez direlako funtzionarioak, eta seigarrenak, tiro egiteko agindua... [+]
Bizkaiko Auzitegiak erabaki du bi urtez bertan behera uztea Iñigo Cabacas hiltzea kondenatutako Ertzaintzako agenteari ezarritako bi urteko kartzela zigorraren gauzatzea. Ebazpenaren arabera, espetxe zigorra betearaziko diote, baldin eta Juan Jose de Pablo ertzain... [+]