Brian Currin eta Nazioarteko Harreman Taldeko kideak deklaratzera deitu ditu Frantziako justiziak
Nazioarteko Harreman Taldeko kideek 17:00etan Baionako komisaldegira joan beharko dute deklaratzera, Lokarrik jakinarazi duenez.
Brian Currin, Sylvia Casale, Pierre Hazan, Raymond Kendall eta Alberto Spektorowskik lekuko gisa deklaratuko dute Laurence Le Vert eta Christophe Teissier epaileek deituta, "terrorismoarekin lotura duten gaiak ikertzen dituen Parisko Epaitegiak bidalitako galdetegi bat erantzun beharko dute".
Brian Currin abokatu hegoafrikarra buru duen taldeak larunbatean Baionako Foroaren bigarren edizioan parte hartu behar du. Nazioarteko Harreman Taldea deklaratzera deitzea, Espainiako Auzitegi Nazionalak Egiaztatzaileen Batzordea deitu ostean dator.
Egiaztatzaileek ETAren desarmeari buruzko galderak erantzun behar izan zituzten, eta minutu gutxira, Espainiako hedabideek erantzunen parte batzuk filtratu zituzten.
Informazio gehiago:
Nor dira Nazioarteko Harremanetarako Taldeko bost kideak?
Zein dira Nazioarteko Harremanetarako Taldeak bere gain hartu dituen lanak?
Harremanetarako Nazioarteko Taldeak bukatutzat eman du Euskal Herrian zuen egitekoa. Brian Currin abokatuak asteazkenean emandako prentsaurrekoan adierazi du badirela gai batzuk konpontzeke geratu direnak, nabarmenduz "preso politikoen auzia".
Brian Currinek gidatutako Harremanetarako Nazioarteko Taldeak (HNT) iragarri du bere lana bukatu duela, agindu zitzaion lanaren parte handi bat bete dela ulertuta. Naiz-ek aurreratu duenez, hurrengo astean baloratuko dute Euskal Herriko gatazka armatuaren amaiera lortzeko... [+]
Parisko Bake Konferentzia hasi da Frantziako Asanblea Nazionaleko Victor Hugo aretoan. Goiz osoan zehar hainbat ekitaldi izango dira bertan euskal gatazka aztertu eta berau era ordenatuan bukatzeko eskatzeko.
Brian Currin Nazioarteko Harreman Taldeko kidea elkarrizketatu du Diagonal hamabostekariak. Lokarriren agur ekitaldian izan da Currin eta azaldu du Espainiako Gobernuak presoen gaia ez eztabaidatzeak "bake prozesua luzatzea" dakarrela.
Harremanetarako Nazioarteko Taldea (HNT) urri bukaeran edo azaro hasieran iritsiko da alderdi eta eragile sozialekin hitz egiteko. Hauteskundeen ostean bakerako oztoporik ez egotea nahi dute.