Lesbianak heterosexual bihurtzera derrigortzea da “bortxaketa zentzagarria”-ren helburua eta 2000. hamarkadaren hasieratik ugaritzen ari dira mota horretako erasoak Hegoafrikan, The Independent egunkariak argitaratu duenez.
Asmo horrekin bortxatu dituzten emakumeen irudiak argitaratu ditu Clare Carter argazkilariak. Egunkari ingelesari adierazi dionez, lesbofobia hazten ari da herrialdean. Azken 15 urteetan 31 emakume hil dituzte horrelako erasoen bitartez.
Kasu askotan, bortxatutako emakumeen senideak erasotzailearen konplize izan direla azaltzen du Carterrek eta argazkietan atera dituen zenbait pertsonaren kasuak kontatzen ditu. Testigantzetan, poliziaren eta epaileen konplizitatea ere salatzen dute bortxaketak sufritu dituzten hainbat emakumek.
Paradoxikoki, Afrikako herrialdeen artean Hegoafrika da lesbiana, gay, bisexual eta transexualen eskubideen alorrean legedia aurreratuena daukana, 1997ko konstituzioan heterosexualen eskubide berdinak aitortu baitzizkien. Gainera, 2005etik sexu bereko pertsonen arteko ezkontzak legeztatu zituzten.
“Bortxaketa zentzagarri” bat pairatu duen Funeka Soldaatek azaldu duenez, “konstituzioa hor dago, baina ez du ezer esan nahi inorentzat”. Legedia ezagutu arren, erasoa jasaten dutenek beren burua babesteko nola erabili ez dakitela dio Free Gender mugimendua sortu zuen Soldaatek. “Homosexualitatea ez-afrikartzat hartzen da. Patriarkatua edonon dago. Lider erlijiosoek idazkunak nola irakurtzen dituzten mingarria da. Haurrak bortxaketan hasten dira 14-15 urterekin eta argazkiak ateratzen dituzte. Denbora bonba baten gainean eserita gaude”.
LGBT mugimenduak lortu dituen eskubideen aurreko erreakzioa dago bortxaketen atzean Carterrek The Independenti azaldu dionez. “Jende asko dago haserre gayek eskubide berdinak dauzkatelako” argazkilariaren ustez. “Bortxaketa zentzagarria erabiltzen dute euren gizontasuna agerian uzteko”. Horri hezkuntza falta, pobrezia, alkohola eta drogak batuz gero “sadismo patriarkalaren ekaitz perfektua” sortzen da Carterrek dioenez.
Krimen matxistak, mediatizatzen direnean, emakumeontzat lezio bilakatu ohi dira, eta bizirik badago, biktimarentzat. Nerea Barjola ikertzaileak Alcasserko kasuaren bidez azaldu zigun hori. Eta Nagore Laffageren hilketak ere lezio astun bilakatzeko arriskua izan zuen, lezioa... [+]
Nagore Laffagen hilketaren harira, Diego Yllanesek ahaztua izateko eskubidea aldarrikatu du. Espainiako Auzitegi Nazionalak eskaerari uko egin, eta erabaki du informazio eta adierazpen askatasuna gailentzen zaizkiola.
Ertzaintzak jakinarazi duenez, gizonak Gasteizko Alde Zaharreko lonja batean bahituta izan du emakumea zenbait orduz, eta hainbat alditan egin dio eraso. Gizonak urruntze agindua zuen, aurrez egindako tratu txarrak tarteko. Astelehen goizean atxilotu zuen Ertzaintzak, eta... [+]
2023ko urrian jarritako salaketa baten harira, gizonaren etxeko gailu informatiko eta elektronikoak ikertzen ari da Foruzaingoa, eta material horretan aurkitu dituzte institutu bateko emakumeen komunetan egindako grabazioak, eta hainbat saltokitako aldageletakoak. Adimen... [+]
Astearte honetan, herritarrek eta erakundeek erasoa gaitzetsi dute udaletxe aurrean egindako elkarretaratzean.