Ugalketaz gaindiko sexualitateaz hausnarketa argitaratu du Bilgune Feministak

  • Zer da sexualitatea? Euskal Herriko Bilgune Feministak atondu berri duen Sexualitatearen eztabaida txostenak proposatzen digunez, plazeraren kudeaketa litzateke. 17 orrialdeko txostena ez da itxia, hausnarketarako dokumentua baizik.


2014ko maiatzaren 22an - 00:00
Azken eguneraketa: 2014-05-26 10:16:02

Urteetan emandako eztabaidak, ideiak eta ondorioak bildu dituzte txostenean. Helburua, jendeak irakurri eta gaiaz hitz egin eta hausnartzea da.

Sexuaren, generoaren eta sexualitatearen eraikuntza sozialaz argibideak aurkituko ditu irakurleak. Idatziak ugalketan oinarritutako sexualitate eredua aztertzen du eta jendarteak gaur egun eredu normaltzat horixe hartzen duela azpimarratzen du.

Sexu-hierarkia azaltzeko Gayle Rubin antropologo estatubatuarraren gurpil magikoa ekarri dute orriotara. Sexualitate ona, normala, naturala, sakratua, ondoko hitzek biltzen dute: heterosexuala, ezkontza barruan, monogamoa, ugaltzeko, ez komertziala, binaka, belaunaldi bereko kideen artean, pornografiarik ez, erlazio batean… Sexualitate txarrak, anormalak, naturaren kontrakoak, madarikatuak ondoko terminoak biltzen ditu: homosexuala, ezkontzatik kanpo, promiskuoa, plazeragatik, banaka edo taldean, noizean behin, sadomasokista, jendaurrean…

Ekainaren bukaera bitartean hainbat herritan sexualitatearen inguruko eztabaidak egingo dira, Bilgune Feministaren dokumentua oinarri hartuta.


Kanal honetatik interesatuko zaizu: Sexualitatea
Bizipoza: aniztasun funtzionala, kulturala eta sexuala bistaratzen eta lantzen

Izaera berezia duten elkarteak eta behar bereziak dituzten haurren familia-elkarteak biltzen ditu Bizipozak, 38 denera. Familia horien errealitatea ikusarazi eta bertatik bertara ezagutzeko asmoz, jaia egingo dute apirilean. Unitate didaktikoak eta material pedagogiko ugari ere... [+]


LGTBI pertsonak armairutik ateratzeko beldur dira lantokian

LGTBI kolektiboko hamar lagunetik bederatzik sekretuan mantentzen du bere sexu-joera laneko nagusien aurrean, eta lautik hiru ez da armairutik ateratzen lankideekin. Zergatiez, beldurrez eta arriskuez hitz egin dute Espainiako LGTBI+ Federazioak egin duen ikerketan.


Bi eraso homofobo salatu dituzte Gipuzkoan

Soraluzen Señora Bertso egunean eta Tolosako Inauterietako Zaldunita gauean bi eraso homofobo izan direla salatu dute.


Trans legearen erreformaren harira, Ekai Lersundiren aitak: "Egun berezia da Ekaik nahi zuena lortzeko"

Lege honek oztopoak kendu eta aitortza legala izatea “berebizikoa” dela adierazi du Naizen elkarteko Bea Severrek. 


EAEko Trans Legearen erreforma onartu dute

Osasunean, hezkuntzan eta lan eremuan eragingo du erreformak, eta pertsona ez binarioak eta intersexualak kontuan hartuko ditu.


Eguneraketa berriak daude