'Bilboko branka' proiektu komunikatiboaren agurra

  • Bilboko branka proiektuak ibilbidea eten du, "garai ekonomiko zailek" behartuta. "Bidean ahaleginak eta bi egin arren, ez dugu izan haren bideragarritasuna ziurtatzerik", azaldu dute sustatzaileek.


2013ko ekainaren 27an - 00:00
Azken eguneraketa: 2015-02-26 13:37:33
2007an sortu zen 'Bilboko branka'.

2007ko abenduan jaio zen Branka, "ohiko hedabideetan ageri ez zen Bilboren berri emateko" helburuarekin.

"Jende abertzale eta ezkerrekoek osaturiko Brankaren talde sustatzaileak helburu argia zuen: isil eta ikusezin nahi zituzten ahots horien guztien bozgorailu izan behar zuen, iritzi artikulu, albiste, erreportaje eta elkarrizketen bidez".

Agerkari digitala eratzeaz gain, paperera ere egin zuten jauzi. Hamar zenbaki atera zituzten bi urtean; 20.000 ale zenbaki bakoitzeko. Azken urteetan webguneari heldu diote buru-belarri.

"Sorreratik gaurdaino, diskurtso bakarrarekin amaitzea izan da gure apustua, eta hutsak huts eta gabeziak gabezia, gure txikitasunean Bilbon nagusi zen diskurtso uniforme eta uniformatzaile hori higatzea lortu dugulakoan gaude", diote bultzatzaileek. "Euskal Herrian ireki den aro berriari are egokiago helduko dion komunikazio estrategiaren nolakotasunez hausnartzea, eztabaidatzea eta erabakiak hartzea denon esku dago".


Kanal honetatik interesatuko zaizu: Bilbo
Zamorako apaiz kartzelako ihesa Santiago Carrillo buruzagi komunistak zapuztu zuen, lekuko baten arabera

1971n hainbat euskal abadek Zamorako espetxe hartatik ihes egiteko plana bertan behera geratu zen, poliziek tunela deskubritu ondoren. Nicanor Acosta abade-ohi komunistak Apaiz Kartzela dokumentaleko egileei elkarrizketa batean esan zien Santiago Carrillo izan zela salatzailea:... [+]


Osakidetzaren pribatizazioaren aurkako manifestazio jendetsuak Bilbon, Gasteizen eta Donostian

Milaka pertsona elkartu dira larunbat honetan Araba, Bizkaia eta Gipuzkoako hiriburu bakoitzean,“osasun publikoaren narriadura, desegitea eta pribatizazioa” salatzeko. Osakidetzako aurrekontuaren %25 Lehen Mailako Arretara bideratzea eskatu dute.


Ertzaintza ikertzen ari dira Bilboko jaietako atxilotuen argazkien ustezko filtratzailea izateagatik

Bilboko aste nagusian atxilotu zituzten 79 pertsonen argazkiak eta izen abizenak argitara atera ziren iazko udan. Argazkietan Poliziaren logoa ageri zen.


Zortzi orduko lanuzteak Bilbobus-en

Asteleheneko lanuztea 07:00etatik 11:00etara eta 16:00etatik 20:00etara izango da. Goizez eta arratsaldez launa orduko lanuzteak egingo dituzten martxoko azken eguna izango da.


Eulalia Abaitua, emakumeei begiratu zien argazkilaria

Euskal Herrian argazkigintzan emakume aitzindaria izan zen Eulalia Abaitua Allende-Salazar (Bilbo, 1853 – Bilbo, 1943). XX. mendeko euskal gizartea erakusten digute berak eginiko argazkiek: eguneroko jardunak, lanbideak, jaiak... jaso zituen. Emakume baten begiradak... [+]


Eguneraketa berriak daude