Bilboko alkate frankisten erretratuak lekualdatzea proposatu du EAJk
EAJk erdibideko posizioa hartu du eta "Bilboko alkateen interpretazio-galeria" izeneko ganbera sortzeko proposamena egin du hiriburuko alkate guztien erretratuak ikusgai jartzeko, Francoren diktadurak ezarritakoak barne.
Testuingurua ondoan izango dute irudiek EAJren proposamenaren arabera. Erretratu bakoitzak pertsona hori alkate izendatzeko baldintzak zeintzuk izan ziren edukiko luke alboan. Dokumentuek alkate bakoitzaren agintaritzaren momentu esanguratsuenak ere aipatuko lituzkete.
Frankismoan alkateei emandako aitorpenak berrikusteko konpromisoa hartuko duela ere adierazi du EAJk, eta diktaduraren biktimentzat erasoa izan daitezkeenak kendu egingo lituzkete.
Proposamenak EH Bilduk egindako proposamena bertan behera uztea du helburu. Koalizio abertzaleak udaletxean agertzen diren zortzi alkate frankisten erretratua kentzeko eskaera egin zuen, datorren otsailaren 27an eztabaidatzekoa dena. Batzarra baino lehen udaletxeko galeria nagusitik koadroak erretiratzen badira, mozioa bertan behera uzteko konpromisoa hartu zuten ordea.
EAJk Iñaki Azkuna alkatearen jarrera moldatu nahi du. Azkunak egungo egoera ez aldatzeko hautua egin zuen, bere iritziz aipatutako erretratuak historiaren parte direlako eta “historia errespetatu egin behar da, nahiz eta ez atsegin”.
Informazio gehiago:
Azkunak alkate frankisten erretratuak ez kentzeko erabakiari buruz analisia egin zuen Urko Apaolazak Angelu Itsua blogean.
1971n hainbat euskal abadek Zamorako espetxe hartatik ihes egiteko plana bertan behera geratu zen, poliziek tunela deskubritu ondoren. Nicanor Acosta abade-ohi komunistak Apaiz Kartzela dokumentaleko egileei elkarrizketa batean esan zien Santiago Carrillo izan zela salatzailea:... [+]
Hiru urteko lanaren emaitza jaso du Iruñeko Udalak sinatutako dekretuak. Auzotik sortutako ekimenari esker, zazpi kale eta hiru plaza izendatuko dituzte.
Fuerteventura (Kanariar Uharteak), 1954ko otsailaren 11. Tefiako Nekazaritza Kolonia abian jarri zuten uharteko aireportu abandonatuan, basamortuaren erdian. Nekazaritza kolonia eufemismoaren atzean, praktikan, kontzentrazio eremua izan zen Tefia, nagusiki LGBTI komunitateko... [+]
1936ko Gerra amaitzear zela, Franco diktadoreak Pirinioetan milaka bunker eraikitzea agindu zuen. Mendian horiek ikusten aspaldi ohituak gaude, baina ez genekien defentsarako lerro erraldoi bat osatzen zutela, eta azken urteetan berreskuratzeko ekimenak jarri dira abian. Izan... [+]