Hastear dagoen ikasturtean jarriko da abian Eusko Jaurlaritzaren Bizikidetza Demokratiko eta Indarkeriaren Deslegitimaziorako Plana. 6,7 milioi euroko aurrekontua izango du eta Isabel Celaá Hezkuntza sailburuaren hitzetan, "besteen sufrimenduarenganako eta biktimenganako enpatia" landuko da ikastetxeetan. "Indarkeria terrorista, arrazakeria, genero indarkeria...", hainbat arlo landuko ditu planak. Lehen Hezkuntzako ikasgeletan biktimen testigantzak izango dira planaren ardatz, eta DBHko klaseetan garrantzia handiagoa emango diote hausnarketa-eztabaida sustatzeari.
- Estitxu Eizagirrek Eusko Jaurlaritzaren planari buruzko erreportajea plazaratu zuen ARGIAren 2.241. zenbakian: Alderdikerien azpian, sendatu beharreko zauriak.
