Bihar "haserrea" kalera ateratzeko eskatu dute CCOO eta UGT sindikatuek

  • CCOO eta UGT sindikatuek greba orokorrera deitu dute biharko Espainiako Estatuan. Hego Euskal Herrian, aurtengo hirugarren greba orokorra izango da eta "haserrea" kalera ateratzeko eskatu die herritarrei Damaso Casado UGT-Euskadiko idazkari nagusiak. Lan erreforma, berrordaintzea osasun zerbitzuan, murrizketak edota amnistia fiskala aipatu dituzte greba egiteko arrazoien artean, eta "kontsumoaren greba" egiteko eskatu du Jose Maria Molinero Nafarroako CCOOko idazkari nagusiak.


2012ko azaroaren 13an - 00:00
Azken eguneraketa: 2015-02-26 13:37:33
Joan den ekainaren 29ko greba orokorra.

Euskal Herriko gehiengo sindikalak, ELA eta LABek, ez dute bat egin deialdiarekin, horretarako arrazoiak eman dituzte, eta zatiketa "oso negatiboa" dela eta kalte langileei egiten diela erantzun dute sindikatu espainiarrek. ESK, CNT eta CGTk murrizketen aurka kalera ateratzeko eskatu dute baita ere, baina ez dute bat egin UGT eta CCOOren deialdiarekin, helburuekin ez datozelako bat.

Zerbitzu minimoei dagokienez, Eusko Jaurlaritzak erabaki du garraioan %30eko zerbitzua ezartzea eta Nafarroako Gobernuak berriz, %40koa.

Mobilizazioak Europa osoan

CES Europako Sindikatuen Konfederazioak protestak antolatu ditu biharko eta beraz, herrialde ugaritan izango dira mobilizazioak, baina eraginik handiena Portugalen eta Espainian espero da, horietan baino ez baitute deitu grebara. Gainerakoetan, manifestazioak eta lanuzteak egingo dira.

Gurean, CCOOk eta UGTk ondorengo manifestazioak antolatu dituzte: 12:00etan eta 18:30ean Donostian (Alderdi Ederretik), 12:00etan eta 18:30ean Bilbon (Plaza Biribiletik eta Jesusen Bihotzatik), 12:00etan eta 17:30ean Gasteizen (Europa jauregitik eta Andra Mari Zuritik) eta 11:45ean eta 18:00etan Iruñean (Nafarroako Enpresarien Konfederazioaren egoitzatik eta autobus geltoki zaharretik).

ESK-k ere manifestazioak egingo ditu bere aldetik, Iruñean (19:00etan, Antoniutti parkean), Bilbon (11:45ean, Jesusen Bihotzan) eta Donostian (12:00etan, Bulebarrean), besteak beste.


Kanal honetatik interesatuko zaizu: Nafarroako politika
Bonbak eta munizioa jaurtiko dituzte aste guztian Bardeako tiro poligonoan

Herrialde askotako hegazkinak izanen dira Bardean gerrarako ariketa militarrak egiten. Benetako bonbak eta munizioa erabiliko dituzte horretarako. Aste osoan izanen dira lan horietan eta Poligonoaren Aurkako Asanbleak zalantzak ditu segurtasuna ziurtatuko ote duten... [+]


Mikel Oteiza, Atarrabiako alkatea: “Gure eraikinetatik euskalduntasunarekin lotura duten ikur eta adierazpen guztiak modu basatian ari dira ezabatzen”

Tristeziaz hartu du Atarrabiako alkateak Nafarroako Justizia Epaitegi Nagusiaren epaia. Euskal Herriko armarria ezabatu beharko du herriko frontoiko hormatik. “Bere garaian ikurriña kentzera behartu ziguten bezala” adierazi du Euskalerria Irratian Mikel... [+]


Iruñeko Udaleko aurrekontu hitzarmena sinatu dute lau indarrek

EH Bilduk, PSNk, Geroa Baik eta Zurekin Nafarroak hitzartu dute akordioa.


2024-03-04 | Ahotsa.info
Nafarroako autogobernua eta herritarren borondate demokratikoa errespetatzea eskatu dute Iruñean

"Nafarroa defendatu" manifestua kaleratu eta sinatu duten 120 alkateek egindako deialdiari erantzunez, Iruñeko Sarasate Pasealekuan elkarretaratzea izan da larunbat arratsaldean. Auzitegi Gorenak Trafikoaren eskumena Nafarroari transferitzea baliogabetzea... [+]


Eguneraketa berriak daude