Hilaren 23an hasi eta 28ra bitartean egingo da Biarritzen Bi harriz lau xori jaialdia. Biarritz Culture elkarteak antolatu jaialdian euskal kulturak presentzia handia izango du aurten ere, musika, antzerki eta dantza alorretan. Ander Lipusek zuzendutako Antzerkiola Imaginarioaren Babiloniako Loreak antzezlanak ireki du jaialdia. Hurrengo egunetan Elirale konpainiaren Otto ikuskizuna eta Chimères antzerki taldearen Pello eta Otsoa antzezlanak izango dira. Musikari dagokionez, Itoiz Suite eta Maddi eta Joseba Irazokiren bideo/musika ikuskizuna izango dira, Maliko Vieux Farka Toure artista gonbidatuekin batera. Dantzan, Xabier Itzaina ikerlari, dantzari eta musikariaren hitzaldia eta Kukai dantza taldearen [Sok]2 koreografia berria izango dira, besteren artean. Agenda osoa antolakuntzaren webgunean ikus daiteke.