Miel Anjel Elustondok 27 elkarrizketa bildu ditu 'Zozoen elean' liburuan
Miel Anjel Elustondok euskarazko hainbat hedabidetan plazaratutako 27 elkarrizketa jaso ditu Zozoen elean liburuan (Utriusque Vasconiae). Hain justu 27 horiek hautatzeko arrazoiak zeintzuk diren ez du argitu egileak. "Ez dakit noiz hasi nintzen elkarrizketa hauek egiten, ezta garrantzitsuenak zeintzuk diren ere, eta ez zait inporta". ARGIAn, Berrian, Euskaldunon Egunkarian eta Administrazioan Euskaraz-en argitaratutako elkarrizketak daude liburuan.
ARGIAn plazaratutakoak dira, besteren artean, Argitxu Nobliari, Jokin Uraini, Inazio Olarreagari eta William A. Christiani egindakoak. "Kontatzeko gauza interesgarriak dituzten pertsonak topatzeko gaitasuna du Mielek”, adierazi zuen Mikel Garcia ARGIAko kazetariak liburuaren aurkezpenean. Horren erakusgarri dira Elustondok ARGIA aldizkarian plazaratutako elkarrizketak.
Ikusi Elustondok 2002az geroztik ARGIA aldizkarian plazaratutako elkarrizketa guztiak.
Kazetaritza independentea eta profesionala egiten dugu, euskaraz eta euskaldunontzat.