Euskarazko Komunikazio Taldeak (EKT) Berria Hedabideen Fundazioa sortu du "euskal kultura eta batez ere hedabideak sustatu eta laguntzeko asmoz". Joxean Lizarribar Administrazio Kontseiluko lehendakariak eta Joanmari Larrarte EKTko kontseilari ordezkariak fundazioaren lehen ekimena aurkeztu zuten: Berria beka. "Hedabide berri bat, ikerketa gune bat edo langileen prestakuntza sakontzeko proiektuak aurkez daitezke, besteak beste". Hautagaiek ekainaren 11 baino lehen bidali behar dituzte proiektuak idazkaritza@berriafundazioa.net e-postara.
