Nafarroako Auzitegi Nagusiaren arabera, ez dago arrazoi "praktiko eta historikorik" erdarazko izena mantentzeko. Pasa den urtarrilaren 17an Berako Udalak gehiengoz onartu zuen soilik euskarazko izena izango zuela eta ez Bera / Vera de Bidasoa. Nafarroako Gobernuak ordea, hilabete beranduago izen aldaketa ukatu egin zion, Nafarroako Euskararen Legea urratzen zuela argudiatuta. Orain, Nafarroako Auzitegi Nagusiak Udalari eman dio arrazoia. Epaian jasotzen denez, dokumentu historiko asko dago udalerriak izen ofizial bakarra izan duela erakusten dutenak. Gainera, Euskaltzaindiak ere izendapen horren alde egiten duela azpimarratu dute.
