Benetan WikiLeaksen sinesten baduzu, Assangek justiziari aurre egitea eskatu beharko zenuke

  • Julian Assange WikiLeaks-eko burua Ekuadorrek Londresen daukan enbaxadan dago ekainaren 19tik, Suediara estraditatu dezaten eragozteko. Emakume bat ustez bortxatu izana leporatzen diote Assangeri; bere aldekoek berriz, ekintzailea AEBetara eramateko konplota ikusi dute salaketaren atzean. Afera argitzeko eskatu du Laurie Pennyk The Independent egunkarian idatzitako artikulu honetan. Horretarako Assangek justiziaren aurrean deklaratu behar duela uste du.


2012ko abuztuaren 22an - 00:00
Azken eguneraketa: 2015-02-26 13:37:33
Julian Assange Ekuadorrek Londresen duen enbaxadako balkoian.

“Zer eduki nahi duzu, emakumeen eskubideak edo adierazpen askatasuna? Horrek dirudi galdera Ekuadorko enbaxadaren kanpoan dagoen jendetzarentzat, hainbat ekintzaile agurgarrik esandako hitz beroak entzunez gero”.

(…)

“Hitz egin dezagun argi: inork ez lituzke printzipio batzuk ito beharko beste batzuk biziarazteko. Hori egitea aukeratzen baduzu, zure kontzientziaren problema da. Nik adierazpen askatasunean sinesten dut eta kazetaritzaren indarrean –hori egitetik bizi naiz–. Uste dut gobernuek erantzun egin behar dutela irabaziak lortzen saiatzeagatik bakearen izenean eta milaka lagun masakratzeagatik segurtasunaren izenean. Sinesten dut sekretupeko garaiaren amaieran eta sinesten dut AEBak saiatzen ari direla hori saihesten, mundu osoko hackerrak, informatzaileak eta kazetariak jarraituz eta jazarriz. Eta emakumeei ere sinesten diet”.

“Emakumeei sinesten diet esaten dutenean sinesten eta miresten dituzten gizonek, baita ezezagunek ere, euren baimen sexuala urratu dutela, indarra erabiliz eta hertsaduraz. Sinesten dut gobernuek bortxaketa eta indarkeria sexuala nahita uzten dituztela bazterrean, gardentasun erradikalaren aldeko ekintzaileak akusatzen dituztenean salbu. Sinesten dut posible dela emakumeei sinestea eta WikiLeaks-en alde egotea aldi berean hipokrisia moralik gabe, eta uste dut bi ideia sinple horiek euren buruetan batera edukitzeko problemak dauzkatela diruditen ezkertiarrek beren baitan galdetu beharko luketela zer esan nahi duen benetan erantzukizunak”.

(…)

“Beraz, arren ez galdetu ustezko sexu-erasotzaile batek –aske eta jarraipenik gabe dabiltzan ehunka milioiren artean– bere ekintzengatik erantzun behar ote duen lege epaitegi batean besteengandik bereizten duen bakarra (…) hainbat gobernu lotsarazi izana baldin bada. Arren, ez galdetu hori, erantzunak min ematen baitu”.

“Erantzuna da, noski, Julian Assangek azalpenak eman beharko lituzkeela, noski eman beharko lituzkeela, eta azalpenak eman beharko lituzke prozesu egokiek esanahiren bat duten eta emakumeak errespetatuak diren sistema batean; eta gaur egun sistema hori ez da existitzen”.


Kanal honetatik interesatuko zaizu: Wikileaks
Kristinn Hrafnsson Assangeren emaztea: "Estraditatzen badute, hil egingo da"

Otsailaren 20an eta 21ean Erresuma Batuko Justizia Auzitegi Gorenak erabakiko du Julian Assangeren estradizioak bide librea duen ala ez. Teorian bederen, hori izango da azken aukera juridikoa kazetari australiarra AEBetara estraditatuko duten ala ez erabakitzeko.


Assange AEBetara estraditatzeko argi berdea eman du Erresuma Batuko gobernuak

Erresuma Batuko Barne ministro Priti Patelek argi berdea eman dio Julian Assangeren estradizioari. Iragan martxoaren 14an eman zuen estradiziorako baimena herrialdeko Auzitegi Gorenak, baina orain heldu den gobernuaren iritzia falta zen.


2022-04-20 | ARGIA
Julian Assange AEBetara estraditatzeko baimena du Erresuma Batuko justiziak

Gobernuak erabaki behar du orain Wikileaks-eko sortzaileetako bat den Assange estraditatuko duen edo ez. Erabakiari helegitea jarriko diote bere abokatuek.


Nils Melzer, NBEko torturaren inguruko kontalari berezia
"Kazetari guztiak beldurtzea da Assangeren aurkako epaiketaren helburua"

Nils Melzer NBEko torturaren inguruko kontalari bereziak Julian Assange kazetariaren kasua ikertu du. Ikerketa horren xehetasunak azaldu zituen lehen aldiz 2020ko otsailean Suitzako Republik hedabide independenteko Daniel Ryser kazetariak egindako elkarrizketa zorrotz eta... [+]


2021-01-07 | Axier Lopez
Julian Assangek espetxean jarraitzea agindu du Erresuma Batuko Justiziak

WikiLeakseko sortzaileetakoak espetxean jarraitu beharko du. Hala erabaki du astezkenean Londresen Vanessa Baraitserrek, astelehenean Assange AEBetara ez estraditatzea erabaki zuen epaile berak.


Eguneraketa berriak daude