Hego Euskal Herrian 2007an lau behi baino gehiago zituzten 906 pertsona zeuden eta 2011an 684. Bost urte bitartean %25eko jaitsiera gertatu da. 10 behi baino gehiago dituztenen artean, bost urte horietan 526 izatetik 401 izatera pasa dira.

Behi esnearen sektorean ari diren nekazariak gutxitzen ari diren bitartean, lehengaien prezioak goraka doaz. Azken hilabeteetan batez ere pentsuen prezioak ikaragarri igo dira. Soja, artoa eta garia bezalako lehengaiak nazioarteko merkatuen espekulazioan sartu dira eta adibidez sojaren prezioak %80ko gorakada izan du. Baserritarrek prezioen gorakada hauekin gehiago ordaindu behar dute pentsu kilo batengatik ondoren esne litro bat saltzean kobratuko dutena baino.

Eusko Jaurlaritzari eta Bizkaiko Foru Aldundiari eskatuko diete eztabaida leku bat sortzeko esne sektorearen egoera hobeagoa izan dadin. EHNE-Bizkaiak bere hausnarketak eta proposamenak biltzen dituen dokumentu bat eramango du bi instituzioetara eta foro bat sortzeko eskatuko diete behi esnearen sektoreari buruz eztabaidatzeko eta proposamenak adosteko.

Nekazarien sindikatuak deitutako manifestazioa Eusko Jaurlaritzaren egoitzatik abiatuko da 11.30etan eta Bizkaiko Foru Aldundiaren jauregian amaituko da.