Baso-eskolei buruzko hitzaldia emango dute ostiralean Donostian

  • Eskolak basoan, aire zabalean ematea oinarri duen proiektu pedagogikoa Alemanian dago zabalduen. Gaiaz hitzaldia emango du ostiralean, Donostian, Philip Bruchner-ek, Alemaniako Waldkindergarten (Basoko haur eskolak) ekimeneko kideak.


2014ko ekainaren 23an - 00:00
Azken eguneraketa: 2015-02-26 13:37:33
Ikastetxerik ez, egurrezko etxolak dituzte baso-eskoletan.

Alemania osoan mota horretako eskola ugari dituzte, 3 eta 6 urte bitarteko haurrei zuzenduak. Umeak hirietako mugetatik atera eta naturarekin harremanetan garatu daitezela da helburua, jolas librea abiapuntu. Naturan, "baliabide hezitzailez beteriko ingurua" aurkitzen dutela dio Bruchnerrek, eta haurrek "korrika egin, salto egin, kulunkatu, gordeka ibili, esploratu..." dezaketela. Fisika, musika, plastika edota filosofia tailerrak ere antolatzen dituzte bertan.

Zortzi dira baso-eskolaren oinarri nagusiak: natura da ikasgela; haurrak urte osoan daude aire librean; material didaktiko gehiena naturatik dator; jolas librea da ikas-metodorik naturalena; umeek esperientzia errealen bidez ikasten dute, edukiak, gaitasunak eta trebeziak landuz; instalazio tradizionalen ordez, egurrezko etxola dute; talde barruan, mailaka nahasten dira haurrak; eta irakasleek pertsona gisa serio hartzen dituzte haurrak.

Iniziatiba pertsonala, sormena, espiritu ekintzailea, autoestimaren eta autokonfiantzaren garapena, enpatia, talde-lana eta besteen aurrean hitz egiteko gaitasuna bereziki lantzen ditu baso-eskolak.

Madrilen, irekitzear

Ekainaren 27ko hitzaldia Cristina Enea fundazioaren Ingurumen Baliabideen zentroan izango da, 18:30ean, eta Félix Rodríguez de La Fuente fundazio espainiarraren babesa du. Izan ere, fundazio horrek Madrilen baso-eskola irekitzeko asmoa du. 2015-2016 ikasturtean abiatuko litzateke Bosquescuela ekimena.


Kanal honetatik interesatuko zaizu: Hezkuntza
2024-03-31 | Tere Maldonado
Mezu subliminalak

Mezu subliminalak hartzailearen kontzientziarentzat hautemanezinak diren noranzko bakarreko komunikazioak dira, eragina izan dezaketenak haren nahimenean, portaeran edo pentsamendu kontzientean. Horregatik, mezu subliminal eraginkor bat izate hutsa manipulaziotzat har daiteke:... [+]


Jokin Pantxeska Etxebarria. Gerrako ume, aitaita
"Hiru aldiz esan dute gorria naizela, komunista!"

Irisarriko herrigunera sartu orduko, hantxe, etxe baten atarian, ikurrina eta estelada. Jokin Etxebarriaren bizitokia duzu. Gerrako ume izandakoa, hamaika ibilera –eta hamaika baino gehiago ere bai–, han eta hemen egindakoa. 92 urtek nahi beste bizitzeko aukera... [+]


2024-03-25 | ARGIA
Baserrien zurezko egiturak berritzen ikasteko programa martxan jarri dute mugaz bi aldeetako erakundeek

"Baserriberri" du izena programak eta langabezian diren Euskal Herri osoko 12 ikasleri zurgintza formazioa emango die, erortzear diren baserriak berritzen ikas dezaten.


Irakasleek (ere) aurreiritziak dituzte eta ikasleen notetan eragiten dute

Irakasleek nota hobea jartzeko joera dute klase altuko ikasleei, neskei eta, laguntze aldera, migratzaileen seme-alabei, baina epe luzera, migratzaileen seme-alaba horiengan espektatiba akademiko txikiagoak dituzte, baita baldintza sozioekonomiko okerragodun haurrengan ere. Hori... [+]


Katalunian protesta, hemen paso

Kataluniako Hezkuntza Sailak (ERC) bertako ebaluazio diagnostikotik ahozko proba kentzea erabaki zuenean, segituan altxa ziren horren kontrako ahotsak: Junts alderdiak, Intersindical sindikatu independentistak eta Plataforma per la llengua eragile sozialak ikasleen ahozko... [+]


Eguneraketa berriak daude