Oiolako urtegia ur hornikuntza sarera birkonektatu zuteneko urteurrena bete zen asteartean. Sestao eta Barakaldoko milaka bizilagunek lindanoz kutsatutako ura kontsumitzen dute ordutik.
Oiolako urtegiaren deskonexioaren aldeko plataformak egoera salatu du, eta gogorarazi du 2013ko apirilaren 22an konektatu zutela urtegia eta ordutik administrazioek ez dutela neurririk hartu, osasunarentzako arriskutsua dela jakitun badira ere. Plenoan gehiengo absolutuz ez konektatzea erabaki bazen ere, Barakaldoko alkatearen dekretu bidez erabaki zen urtegia hornikuntza sarera konektatzea.
100.000 biztanle inguru dira lindano kutsaduraren menpe daudenak. Inplikatutako instituzioen pasibotasuna eta ezikusia salatu dute bizilagunek: URA uraren euskal agentzia, Bizkaiko Ur Kontsortzioa, Barakaldoko Udala, Osasun Publikoa, Eusko Jaurlaritza eta Espainiako Gobernuaren erantzukizuna nabarmendu dituzte.
Desobedientzia zibilaz protesta
Zenbait bizilagunek, protesta modura, uraren fakturak ordaintzeari utzi zioten 2013ko udaran. Ur-konpainiek hornikuntza mozteko mehatxua egin diete familia horiei, baina hauek “beren eskubidea den ur kutsatu gabearen aldeko protestan” jarraituko dutela adierazi dute.
Europako bozetara begira
Europar hauteskundeetarako kanpaina politikoetan alderdiek Oiolako urtegiari buruzko jarrera publiko egin dezatela eskatu dute urtegiaren deskonexioaren aldeko plataformako kideek.
Martxoan Europako Parlamentuan hitza hartu zuten Sestao eta Barakaldoko bizilagunek, eta “bertan adostutakoa bete dezatela” eskatu diote alderdiei.
Herritarrei ere zuzendu zaizkie plataformako kideak, eta ostegunean, hilak 24, udaleko plenora joateko deia egin diete, eztabaidagai izango baita Oiolako uren afera.
Ekologistak Martxan taldeko ordezkariak Eusko Legebiltzarreko Ingurumen Batzordean izan dira, EH Bilduen eskariz, Espainiako Estatuan lindanoak eragindako kalteei buruzko txostena aurkezten. Europako Legebiltzarrean egindako azken bisitan talde politiko guztiek arazoari... [+]
Lindanoak Espainiako Estatuan eragindako kutsadurari buruzko txostena argitaratu du Ekologistak Martxanek, Pozoitze iraunkor eta isil baten kronika izenburupean. Taldeko bozeramaile Javier Vázquez Velascok Barakaldon aurkeztu duen txostenean azken mendean fabrikatutako... [+]
Europako Batzordeak finantzaketa lortuko luke Trapagareneko Oiolako urtegiaren arazoa konpontzeko, eskumena daukaten erakundeek behar bezalako proiektua aurkeztuz gero. Hala jakinarazi die Daniel Calleja Batzordeko Ingurumen zuzendariak Oiolako Urtegiaren Deskonexioaren... [+]
Ekozinemaldiak hamargarren edizioa du 2016an. Ekologia sozialari buruzko dokumentalak eta film luze eta laburrak eskaintzen ditu Ekologistak Martxanek antolatutako ekimenak; aurten energi eredua, klima aldaketa eta energi trantsizioa izango ditu ardatz nagusi.
Joan den azaroan Marina Albiol (Izquierda Unida) eta Josu Juaristi (EH Bildu) europarlamentarioen bisita jaso eta gero, Oiolako Urtegiaren Deskonexioaren Aldeko Plataformako zenbait kide Europako Parlamentuan izango dira martxoaren 14 eta 15ean, bertako Eskaera Batzordean... [+]